Mallikarjun Kharge: पावसाळी अधिवेशनाच्या पहिल्याच दिवशी संसदेत सीजेपीच्या आंदोलनाचा मुद्दा गाजला. सोमवारी राज्यसभेत बोलताना, काँग्रेस पक्षाचे अध्यक्ष आणि राज्यसभेतील विरोधी पक्षनेते मल्लिकार्जुन खर्गे यांनी, “हा विद्यार्थ्यांचा प्रश्न आहे, पण सरकार तो दडपण्याचा प्रयत्न करत आहे” असा गंभीर आरोप केला.

राज्यसभेत नीट विद्यार्थ्यांचा मुद्दा उपस्थित करताना त्यांनी केंद्र सरकारवर हल्लाबोल केला. याविषयी बोलताना त्यांनी, “हा विद्यार्थ्यांचा प्रश्न आहे. मी लाखो विद्यार्थ्यांच्या भविष्याबद्दल बोलत आहे. आज हजारो विद्यार्थी जंतर मंतरवर आले होते आणि तिथे लाठीचार्ज झाला. सरकार त्यांना मारण्याचा, दडपण्याचा प्रयत्न करत आहे. सरकार त्यांना चिरडून तिथून हटवण्याचा प्रयत्न करत आहे.”असे म्हटले.   (Mallikarjun Kharge)

डिंपल यादव यांच्या नेतृत्वाखाली सपा खासदारांनी सीजेपी आणि नीट विद्यार्थ्यांचा मुद्दा मांडण्यासाठी संसदेपासून जंतर मंतरपर्यंत मोर्चा काढला. प्रसारमाध्यमांशी बोलताना डिंपल यादव म्हणाल्या की, देशभरात परिस्थिती अशी आहे की तरुणांना आपल्या समस्या मांडायच्या आहेत, पण सरकार त्यांचे ऐकून घेण्यास किंवा संवाद साधण्यास तयार नाही.

ते पुढे म्हणाले की, विद्यार्थ्यांनी हे वारंवार सांगितले आहे आणि सोनम वांगचुक यांनीही सरकारला संवाद सुरू करण्याचे आवाहन केले आहे, परंतु सरकार इतके हट्टी आणि बेपर्वा आहे की ते इतर कोणाचेही ऐकायला तयार नाही. समाजवादी पक्ष विद्यार्थ्यांच्या पाठीशी उभा आहे आणि सपाचे खासदार जंतर मंतरवर मोर्चा काढणार आहेत.

 “धर्मेंद्र प्रधान यांनी राजीनामा द्यावा”   (Mallikarjun Kharge)

समाजवादी पक्षाच्या खासदार इकरा हसन यांनीही या मोर्चात सहभाग घेतला. एएनआय या वृत्तसंस्थेशी बोलताना त्या म्हणाल्या, “आम्ही धर्मेंद्र प्रधान यांच्या राजीनाम्याची मागणी करत आहोत. सरकारने नैतिकतेच्या आधारावर जबाबदारी स्वीकारली पाहिजे. आम्ही देशातील तरुणांच्या पाठीशी उभे आहोत; धर्मेंद्र प्रधान यांनी राजीनामा द्यावा.”

संभळचे सपा खासदार झिया-उर-रहमान म्हणाले की, विद्यार्थी आणि तरुण हे देशाचे भविष्य आहेत, परंतु त्यांच्यावर लाठीचार्ज करण्यात आला. सपाचे एक शिष्टमंडळ त्यांना भेटायला जाणार आहे. आम्ही त्यांच्या मोहिमेला पाठिंबा देतो.

सोनम वांगचुक यांना जंतर मंतरमधून जबरदस्तीने बाहेर काढून रुग्णालयात नेण्यात आले. सरकारने विद्यार्थ्यांशी संवाद साधावा आणि त्यांच्या मागण्या मान्य कराव्यात, अशी समाजवादी पक्षाची मागणी आहे.