Malaika Arora: बॉलिवूड अभिनेत्री मलायका अरोरा सध्या तिच्या मालदीव वेकेशनमुळे सोशल मीडियावर चांगलीच चर्चेत आली आहे. फिटनेस, स्टाइल आणि ग्लॅमरस लूकसाठी ओळखली जाणारी मलायका या ट्रिपमध्येही तिच्या खास अंदाजामुळे चाहत्यांचे लक्ष वेधून घेत आहे. तिने इंस्टाग्रामवर शेअर केलेल्या फोटोंना मोठ्या प्रमाणात पसंती मिळत असून सोशल मीडियावर ते वेगाने व्हायरल होत आहेत.

मालदीवच्या सुंदर समुद्रकिनाऱ्यांवर आणि आलिशान रिसॉर्टमध्ये सुट्ट्यांचा आनंद घेतानाचे अनेक फोटो मलायकाने शेअर केले आहेत. काही फोटोंमध्ये ती स्टायलिश स्विमसूटमध्ये समुद्रात मजा करताना दिसत आहे, तर काही ठिकाणी ती शांत स्पा सेशनचा आनंद घेताना पाहायला मिळते. तिचा रिलॅक्स आणि कॉन्फिडंट अंदाज चाहत्यांना खूप आवडला आहे.

या वेकेशनदरम्यान मलायकाने स्वतःच्या हेल्दी लाइफस्टाइलचीही झलक दाखवली. दिवसाची सुरुवात हेल्दी ब्रेकफास्ट आणि नारळ पाण्याने करतानाचे फोटो तिने शेअर केले. तसेच सायकलिंग, स्विमिंग पूलजवळ आराम आणि निसर्गाच्या सान्निध्यात घालवलेले निवांत क्षणही तिने चाहत्यांसोबत शेअर केले आहेत.

 

View this post on Instagram

 

A post shared by Malaika Arora (@malaikaaroraofficial)

फोटोंसोबत मलायकाने एक खास पोस्टही लिहिली आहे. तिने सांगितले की, या ट्रिपमध्ये मिळालेली शांतता, वेलनेस रिच्युअल्स, स्वादिष्ट ब्रेकफास्ट आणि स्वतःचा परफ्यूम तयार करण्याचा अनुभव खूप खास होता. धावपळीच्या आयुष्यातून थोडा वेळ दूर जाऊन स्वतःला रिचार्ज करण्यासाठी ही जागा परफेक्ट असल्याचे तिने म्हटले आहे.

मलायका अरोरा अनेक वर्षांपासून फिटनेस आयकॉन म्हणून ओळखली जाते. योगा, नियमित व्यायाम आणि हेल्दी डाएटमुळे ती कायम चर्चेत असते. वाढत्या वयातही तिची फिटनेस आणि ग्लॅमर कायम असल्यामुळे चाहते तिचे भरभरून कौतुक करत आहेत. सोशल मीडियावर अनेकांनी तिच्या स्टाइलला “इन्स्पायरिंग” म्हटले आहे.

मालदीवमधील या ग्लॅमरस फोटोंमुळे पुन्हा एकदा मलायकाचा स्टायलिश आणि फिट अंदाज चर्चेचा विषय ठरला आहे. तिच्या प्रत्येक पोस्टवर चाहते लाईक्स आणि कमेंट्सचा वर्षाव करत असून, “वय वाढलं तरी सौंदर्य आणखी खुलत चाललं आहे,” अशा प्रतिक्रिया देताना दिसत आहेत.