Major plane crash : मोठी विमान दुर्घटना; दोन वरिष्ठ लष्करी अधिकाऱ्यांसह 14 जणांचा मृत्यू
Major plane crash : मिळालेल्या माहितीनुसार, हे विमान नैऋत्य काँगोतील किक्विट येथून राजधानी किन्शासाच्या दिशेने परतत होते.
Major plane crash : काँगोमध्ये मोठी विमान दुर्घटना घडली असून या अपघातात १४ जणांचा मृत्यू झाला आहे. मृतांमध्ये काँगोच्या लष्करातील दोन वरिष्ठ अधिकाऱ्यांचा समावेश आहे. किक्विटहून राजधानी किन्शासाकडे परतत असताना केन्गे येथे विमान कोसळल्याची माहिती समोर आली आहे.
मिळालेल्या माहितीनुसार, हे विमान नैऋत्य काँगोतील किक्विट येथून राजधानी किन्शासाच्या दिशेने परतत होते. याच दरम्यान केन्गे परिसरात विमानाचा अपघात झाला. या दुर्घटनेत लष्करी न्यायालयाचे प्रमुख लेफ्टनंट जनरल मुटोंबो कातालायी टिएंडे आणि सशस्त्र दलांचे महालेखा परीक्षक लेफ्टनंट जनरल बाकुमी लिकुलिया यांचा मृत्यू झाला.
काँगोच्या लष्कराचे प्रवक्ते मेजर जनरल एफोमी अकेन्गे यांनी या दुर्घटनेची माहिती दिली. या दोन वरिष्ठ अधिकाऱ्यांसह शिष्टमंडळातील १२ सदस्य आणि विमानातील कर्मचारी यांचाही मृतांमध्ये समावेश असल्याचे त्यांनी सांगितले.
Kinshasa, Congo: At least 14 people, including two senior military officials, have died in a plane crash in Congo, the military said Friday. The two senior military officials are Lieutenant General Mutombo Katalayi Tiende, head of the military court, and Lieutenant General Bakumi Likulia, auditor general of the armed forces, reports AP.
— Press Trust of India (@PTI_News) September 26, 2026
तांत्रिक बिघाडामुळे अपघात झाल्याचा प्राथमिक अंदाज
स्थानिक अधिकाऱ्यांच्या माहितीनुसार, विमानातील तांत्रिक बिघाड हे अपघातामागील प्राथमिक कारण असण्याची शक्यता व्यक्त करण्यात आली आहे. मात्र, अपघाताचे नेमके कारण अद्याप स्पष्ट झालेले नाही.
अपघाताच्या चौकशीसाठी समिती स्थापन
विमान दुर्घटनेचे नेमके कारण शोधण्यासाठी काँगोच्या लष्कराने चौकशी समिती स्थापन केली आहे. तपास पूर्ण झाल्यानंतरच अपघातामागील नेमके कारण स्पष्ट होईल, अशी माहिती नागरी विमान वाहतूक प्राधिकरणाच्या मंडळाचे अध्यक्ष ट्रिफोन किन-काय मुलुम्बा यांनी दिली.
दरम्यान, काँगोच्या लष्कराकडून देशाच्या विविध भागांत बंडखोर गटांविरोधात कारवाया सुरू आहेत. विशेषतः पूर्व काँगोमध्ये रवांडा-समर्थित एम२३ (M23) बंडखोर गटासोबत संघर्ष सुरू आहे. अलीकडच्या काळात या बंडखोर गटाकडून अनेक हल्ले करण्यात आले असून पूर्व काँगोतील काही प्रमुख शहरांवरही त्याने ताबा मिळवला आहे. अशा तणावपूर्ण परिस्थितीत झालेल्या या विमान दुर्घटनेमुळे काँगोच्या लष्कराला मोठा धक्का बसला आहे.
