Political News : मेघालयच्या राजकारणात बुधवारी (23 सप्टेंबर) महत्त्वाची राजकीय घडामोड घडली. युनायटेड डेमोक्रॅटिक पार्टी (UDP)च्या आठ विद्यमान आमदारांनी भारतीय जनता पक्षात प्रवेश केला. नवी दिल्लीतील भाजप मुख्यालयात झालेल्या कार्यक्रमात केंद्रीय संसदीय कार्यमंत्री किरेन रिजिजू आणि भाजपचे राष्ट्रीय प्रवक्ते संबित पात्रा यांच्या उपस्थितीत हा पक्षप्रवेश झाला. (Political News)

आठ आमदारांच्या भाजप प्रवेशानंतर मेघालय विधानसभेतील भाजपची आमदारसंख्या 2 वरून 10 झाली आहे. दुसरीकडे, UDPची संख्या 12 वरून 4 वर आली आहे. त्यामुळे 60 सदस्यांच्या मेघालय विधानसभेत भाजप आता NPPनंतर दुसऱ्या क्रमांकाचा सर्वात मोठा पक्ष ठरला आहे. (Political News)

कोणते आठ आमदार भाजपमध्ये दाखल?  (Political News)

भाजपमध्ये प्रवेश केलेल्या आठ आमदारांमध्ये लहकमन रिंबुई, पियुस मारवीन, किर्मेन शायला, मायरेलबोर्न सिएम, मॅथ्यू कुरबाह, ओलान सिंग सुइन, बालाजीड कुफार सिनरेम आणि सिनशार कुफार रॉय लिंगदोह थाबाह यांचा समावेश आहे.

या आमदारांच्या प्रवेशामुळे मेघालयातील पक्षीय समीकरणात बदल झाला आहे. यापूर्वी UDP हा मेघालय डेमोक्रॅटिक अलायन्समधील (MDA) भाजपपेक्षा मोठा घटक होता. आता भाजपची संख्या UDPपेक्षा अधिक झाली आहे. (Political News)

NPPच्या नेतृत्वाखाली MDA सरकार  (Political News)

मेघालयमध्ये सध्या नॅशनल पीपल्स पार्टीच्या नेतृत्वाखाली मेघालय डेमोक्रॅटिक अलायन्सचे सरकार आहे. कॉनराड के. संगमा हे मुख्यमंत्री आहेत. या आघाडीमध्ये NPPसोबत UDP आणि भाजपचाही समावेश आहे. आठ आमदारांच्या प्रवेशानंतर भाजपची विधानसभा ताकद वाढून 10 झाली आहे.

दरम्यान, भाजपमध्ये प्रवेश करणाऱ्या आमदारांनी मेघालयशी संबंधित काही प्रमुख मुद्दे पुढे नेण्यासाठी केंद्राच्या पाठिंब्याची गरज असल्याचे म्हटले आहे. यात खासी भाषेला संविधानाच्या आठव्या अनुसूचीत स्थान, कोळसा उत्खननावरील नियमांमध्ये बदल आणि Meghalaya Residents Safety and Security Act (MRSSA) यांसारख्या मुद्द्यांचा समावेश आहे.

या आठ आमदारांच्या पक्षांतरामुळे मेघालय विधानसभेतील सध्याचे राजकीय गणित बदलले असून, आगामी काळात MDAमधील पक्षांमधील समीकरणांवर त्याचा परिणाम कसा होतो, याकडे लक्ष लागले आहे. (Political News)

BJP News : भाजपला मोठा धक्का! ‘या’ बड्या नेत्याचा तडकाफडकी राजीनामा