Satya Manjrekar post : मराठी सिनेसृष्टीतून ज्येष्ठ अभिनेत्री अलका कुबल यांच्या भावाच्या निधनाची बातमी ताजी असतानाच आता प्रसिद्ध अभिनेते आणि दिग्दर्शक महेश मांजरेकर यांच्या पहिल्या पत्नीचे निधन झाले आहे. त्यांचा मुलगा सत्या मांजरेकर यांनी सोशल मीडियावरून पोस्ट शेअर करून आईच्या निधनाची माहिती दिली आहे. दीप मेहता असे त्याच्या आईचे नाव आहे.

‘ही माझ्या आईपेक्षा जास्त काही होती. ती माझं प्रेरणास्त्रोत सुद्धा होती. तिने बनवलेल्या साड्याची अनेकांना भुरळ असायची. परंतु आता ती नाहीय. पण ती लोकांच्या हृदयात नेहमीच जिवंत असेल.’ अशी भावनिक पोस्ट सत्या मांजरेकरने इंन्स्टाग्रामवरून शेअर केली आहे.

सत्या मांजरेकर यांनी सोशल मीडियावरुन आईच्या निधनाची भावूक पोस्ट शेअर केली आहे. महेश मांजरेकर यांची पत्नी मेधा मांजरेकर ही दुसरी पत्नी आहे. याआधी महेश मांजरेकर यांचं पहिलं लग्न हे दीपा मेहता यांच्याशी झालं होतं. महेश मांजरेकर आणि दीपा मेहता यांना दोन मुलं आहेत. मुलगी अश्वमी मांजरेकर आणि मुलगा सत्या मांजरेकर अशी त्यांची नावे आहेत. दीप मेहता एक उत्तम फॅशन डिझायनर होत्या. त्या क्वीन ऑफ हार्टस साड्यांचा ब्रँड चालवत असायच्या.

हेही वाचा : भिलार पांगारीमध्ये बिबट्याचे दर्शन; सणासुदीच्या काळात नागरिक भयभीत