नेवासा – नेवासा तालुक्याचे भूमिपुत्र जय शिवसंग्राम संघटनेचे प्रदेशाध्यक्ष सुरेश शेटे – पाटील यांनी यांनी नुकताच पुणे येथील महाराष्ट्र स्वराज्य पक्षाच्या मुख्यालयात छ्त्रपती संभाजीराजे यांच्या उपस्थितीत महाराष्ट्र स्वराज पक्षात प्रवेश केला. यावेळी छ्त्रपती संभाजीराजे यांनी महाराष्ट्र स्वराज पक्षात शेटे यांचे स्वागत करुन पुढील कार्यास शुभेच्छा दिल्या व स्वराज्य पक्षाकडून नेवासा विधानसभेची उमेदवारी जाहीर केली.

नेवासा तालुक्यातील शनिशिंगणापूर येथील रहिवासी प्रसिद्ध उद्योगपती लीलियम पार्क समूहाचे माल तसेच सामाजिक कार्यकर्ते सुरेश शेटे – पाटील यांनी महाराष्ट्र स्वराज्य पक्षात प्रवेश केला गेल्या वीस वर्षांपासून शेटे यांनी शिवसंग्राम संघटनेच्या माध्यमातून तळागाळातील लोकांपर्यंत पोहचवून समाजकार्य केले आहे तर मराठा समाजासाठी व आरक्षणासाठी शेटे यांनी मोठा लढा दिलेला आहे.

नेवासा तालुक्यातील जनतेच्या प्रश्नांसाठी सुद्धा शेटे यांनी मोठा प्रयत्न केलेला आहे गेल्या काही महिन्यांपासून नेवासा विधानसभेसाठी शेटे यांची जोरात तयारी त्यांनी सूरु केलेली होती यासाठी लोकशक्ती आघाडीची स्थापना करत लोकन्याय यात्रेच्या माध्यमातून शेटे यांनी तालुक्यातील प्रत्येक गावाचा दौरा करून जनतेच्या समस्या समजून घेतल्या व त्या सोडविल्या देखील त्यामुळे नेवासा तालुक्यात सर्वसामान्य जनतेमधील नेता अशी ओळख शेटे पाटील यांची निर्माण झालेली आहे त्यामुळे नेवासा तालुक्यात महाविकास आघाडी व महायुती यांच्या मध्ये आता स्वराज्य पक्षाचे उमेदवार सुरेश शेटे यांचे मोठे आव्हान उभे राहणार आहे येत्या काही दिवसांत तालुक्यातील जनतेला मोठी तिरंगी लढत बघण्यास मिळणार आहे याची उत्सुकता देखील तालुक्यातील जनतेला आहे या प्रवेशावेळी शिवसंग्राम संघटनेचे पदाधिकारी तसेच नेवासा तालुक्यातील अनेक पदाधिकारी व कार्यकर्ते यावेळी उपस्थित होते.