Maharashtra Politics : शिवसेना (शिंदे गट) पक्षात अंतर्गत बदल आणि शिस्तीचा बडगा सुरू झाला आहे. उपमुख्यमंत्री एकनाथ शिंदे यांच्या आदेशानुसार सोलापूर आणि माढा लोकसभा मतदारसंघातील (Maharashtra Politics) संपूर्ण जिल्हा कार्यकारिणी बरखास्त करण्यात आली आहे. यासोबत महिला आघाडी, युवासेना आणि इतर सर्व प्रकोष्ठ रद्द करण्यात आले असून, जिल्हाप्रमुख ते शाखाप्रमुखापर्यंतच्या सर्व पदाधिकाऱ्यांच्या (Maharashtra Politics) नियुक्त्या रद्द झाल्या आहेत. या निर्णयामुळे दोन्ही मतदारसंघात खळबळ उडाली आहे. निर्णयाची पार्श्वभूमी गेल्या काही दिवसांपासून एकनाथ शिंदे यांच्या नेतृत्वाखालील शिवसेना पक्षात काम न करणाऱ्या मंत्र्यांसह पदाधिकाऱ्यांवर कारवाई सुरू आहे. जिल्हा प्रमुख नियुक्तीनंतर आता लोकसभा स्तरावरील संघटनात्मक बदल सुरू झाले आहेत. खासदार श्रीकांत शिंदे यांनी बुधवारी सोलापूरमध्ये आढावा बैठक घेतली. या बैठकीत काही पदाधिकाऱ्यांनी गैरवर्तन केल्याने श्रीकांत शिंदे नाराज झाले होते. बैठकीनंतर तडकाफडकी निर्णय घेत आज (गुरुवारी) सोलापूर आणि माढा या दोन्ही लोकसभा क्षेत्रातील कार्यकारिणी बरखास्त करण्यात आली. Eknath Shinde एकनाथ शिंदे यांच्या थेट आदेशानुसार ही मोठी कारवाई करण्यात आली आहे. यामुळे आता या दोन्ही मतदारसंघात नवीन कार्यकारिणी नेमण्याची प्रक्रिया सुरू होण्याची शक्यता आहे. श्रीकांत शिंदेंची प्रतिक्रिया श्रीकांत शिंदे यांनी सोलापूर, धाराशिव आणि माढा लोकसभा क्षेत्राचा आढावा घेत असल्याचे सांगितले. ते म्हणाले, “शिंदे साहेबांच्या आदेशाने संपर्क प्रमुख नेमण्यात आलेले आहेत. ते सर्व जबाबदारी पार पाडत आहेत. आम्ही लोकसभानिहाय आढावा घेत आहोत. यानंतर अगदी वार्डनिहाय देखील आढावा घेण्यात येईल.” जिल्हा परिषद आणि महापालिका निवडणुकीत पक्षाला चांगले यश मिळाल्याचेही श्रीकांत शिंदे यांनी यावेळी नमूद केले. पक्षात बदलाचे वारे पक्षातील कामचुकारपणा, गटबाजी आणि तक्रारींच्या पार्श्वभूमीवर ही कारवाई करण्यात आली आहे. एकनाथ शिंदे यांच्या नेतृत्वात पक्ष संघटना अधिक मजबूत करण्यासाठी नवीन नेतृत्वाला संधी देण्याचा प्रयत्न सुरू आहे. या निर्णयानंतर सोलापूर आणि माढा लोकसभा क्षेत्रात नवीन पदाधिकाऱ्यांच्या खांद्यावर शिवसेनेची धुरा सोपवली जाण्याची शक्यता वर्तवली जात आहे. आगामी काळात जिल्हा, तालुका आणि वार्ड स्तरावर नव्या कार्यकारिण्या नेमल्या जाणार असल्याचे संकेत मिळत आहेत. ही मोठी संघटनात्मक कारवाई शिंदेसेनेत शिस्त आणि कार्यक्षमता वाढवण्याच्या दिशेने एक महत्त्वाचा पाऊल मानले जात आहे. नव्या कार्यकारिणीची नियुक्ती कधी होणार याकडे पक्ष कार्यकर्त्यांचे लक्ष लागले आहे.