Police Transfers : महाराष्ट्र पोलीस दलात मोठे फेरबदल करण्यात आले आहेत. राज्यातील आयपीएस आणि आरपीएस अधिकाऱ्यांच्या बदल्यांचे आदेश गृह विभागाकडून जारी करण्यात आले आहेत. 2 नोव्हेंबर 2026 रोजी जारी झालेल्या या आदेशानुसार, काही अधिकाऱ्यांना नवीन जबाबदाऱ्या देण्यात आल्या आहेत, तर ठाणे पोलीस दलातील तीन वरिष्ठ अधिकाऱ्यांना एक वर्षाची मुदतवाढ देण्यात आली आहे. (Police Transfers)

पोलीस आस्थापना मंडळ क्रमांक एकच्या शिफारशीनुसार हा निर्णय घेण्यात आल्याचे आदेशात नमूद आहे. ठाणे शहर पोलीस दलातील गुन्हे शाखेचे पोलीस उपायुक्त अमरसिंग जाधव, परिमंडळ क्रमांक 5 चे पोलीस उपायुक्त प्रशांत कदम आणि कोकण परिक्षेत्रातील लाचलुचपत प्रतिबंधक विभागाशी संबंधित शिवराज पाटील यांना मुदतवाढ देण्यात आल्याची माहिती आहे. (Police Transfers)

दरम्यान, एसआयटी प्रमुख अमरसिंग जाधव आणि पोलीस उपायुक्त प्रशांत कदम यांना प्रदीप पूर्णेकर हत्या प्रकरणाच्या तपासाच्या पार्श्वभूमीवर मुदतवाढ देण्यात आल्याची माहिती सूत्रांनी दिली आहे. मात्र, या निर्णयामागील अधिकृत कारण आदेशातून स्पष्ट होणे आवश्यक आहे. (Police Transfers)

कोणाची कुठे बदली? वाचा संपूर्ण यादी

• विकास संपत नाईक, पोलीस उप अधीक्षक, नागरी हक्क संरक्षण, नागपूर – अपर उप आयुक्त, राज्य गुप्तवार्ता विभाग, मुंबई
• संकेत सतीश गोसावी, पोलीस उप अधीक्षक, गुअवि, पुणे – उपविभागीय पोलीस अधिकारी, रत्नागिरी उपविभाग, रत्नागिरी
• कुमार भिकाजी चौधरी, उपविभागीय पोलीस अधिकारी, औसा उपविभाग, लातूर – पोलीस उप अधीक्षक, महाराष्ट्र पोलीस अकादमी, नाशिक
• सुधीर पुंडलिक नांदणवार, प्रतीक्षाधीन उपविभागीय पोलीस अधिकारी, तुमसर उपविभाग, भंडारा
• संतोष वैरागडे, सहायक पोलीस आयुक्त, दहशतवाद विरोधी पथक – उपविभागीय पोलीस अधिकारी, मालेगाव कॅम्प उपविभाग, नाशिक
• श्रीकांत चंद्रकांत कांकाळ, पोलीस उप अधीक्षक, आर्थिक गुन्हे शाखा, बीड – पोलीस उप अधीक्षक,अनुसूधचत जमाती प्रमाणपत्र पडताळणी सधमती, धकनिट, मुख्यालय छ.सांभाजीनगर
• अनमोल मित्तल – अपर पोलीस अधीक्षक, ठाणे (ग्रामीण) – अपर पोलीस अधीक्षक, अंबाजोगाई, बीड
• आकांक्षा यादव – उपविभागीय पोलीस अधिकारी, रत्नागिरी उपविभाग, रत्नागिरी – उपविभागीय पोलीस अधिकारी, औसा, लातूर
• संदीप जाधव – प्रतीक्षाधीन उपविभागीय पोलीस अधिकारी, औसा, नांदेड
• शिवराज पाटील – अपर पोलीस अधीक्षक, नांदेड एक वर्ष मुदतवाढ
• अमरसिंग जाधव – पोलीस – उप आयुक्त, गुन्हे शाखा, ठाणे शहर (एक वर्ष मुदतवाढ)
• प्रशांत कदम – पोलीस उप आयुक्त, परिमंडळ 5, ठाणे शहर (एक वर्ष मुदतवाढ )
• मीना मखवाना– अपर पोलीस अधीक्षक, ठाणे (ग्रामीण), – पोलीस उप आयुक्त, परिमंडळ 1, ठाणे शहर
• वैशाली ईश्वर कडुकर – अपर पोलीस अधीक्षक, सातारा – पोलीस अधीक्षक, गुन्हे अन्वेषण विभाग, पुणे

ठाण्यातील मुदतवाढ चर्चेचा विषय

राज्यात वरिष्ठ पोलीस अधिकाऱ्यांच्या बदल्यांचे सत्र सुरू असतानाच ठाणे शहरातील तीन अधिकाऱ्यांना एक वर्षाची मुदतवाढ देण्यात आल्याने या निर्णयाकडे विशेष लक्ष वेधले जात आहे. नव्या नियुक्त्यांमुळे विविध विभागांतील कामकाजात बदल होण्याची शक्यता आहे. (Police Transfers)