MLC Election 2026 : राज्यातील विधान परिषदेच्या 17 जांगासाठी होणार्या निवडणुकीत महायुती विरुद्ध महाविकास आघाडी असाच सामन रंगला आहे. मात्र, काही मतदारसंघात भाजप महायुतीच्या उमेदवारांनी बंडखोरी केल्याने महायुतीच्या अधिकृत उमेदवाराची डोकेदुखी वाढल्याचे चित्र आहे. (MLC Election 2026)

त्यातच, भाजप प्रदेशाध्यक्षांनी बंडखोरांना अर्ज मागे घेण्याचे आवाहन केले आहे. तर, काही ठिकाणी अर्ज छाननी प्रक्रियेत उमेदवारांचे अर्ज बाद ठरले आहेत. महायुती विरुद्ध महाविकास आघाडी यांच्यातील भाजपचे पारडे जड असून सर्वच मतदासंघात महायुतीचे संख्याबळ जास्त आहे. (MLC Election 2026)

मात्र, महाविकास आघाडीनेही विजयाचा विश्वास व्यक्त करत उमेदवार दिले आहेत. उमेदवारी अर्ज माघारी घेण्याचा उद्या शेवटचा दिवस असल्याने उद्या चित्र स्पष्ट होईल. मात्र, निवडणुकांपूर्वीच चार मतदारसंघात भाजप महायुतीच्या उमेदवारांचा विजय सोपा झाल्याचे दिसून येत आहे. (MLC Election 2026)

सोलापूरमध्ये भाजपने राजेंद्र राऊत यांना उमेदवारी दिली आहे. तर, महाविकास आघाडीने काँग्रेसच्या आदित्य फत्तेपूरकरांना मैदानात उतरवले होते. मात्र, अर्ज छाननी प्रक्रियेत त्यांचा अर्ज बाद झाल्याने येथील मविआचे प्रमुख उमेदवारच लढतीतून बाहेर पडले आहेत. (MLC Election 2026)

यवतमाळमध्ये मविआला मोठा धक्का बसला असून त्यांच्याच उमेदवाराने आपला अर्ज माघारी घेतला आहे. मविआचे अधिकृत उमेदवार साहेबराव कांबळे यांनी यवतमाळ विधानपरिषद निवडणूकीतून माघार घेतली. आपले संख्याबळ जुळत नसल्याने मी निवडणूकीतून माघार घेत असल्याचे कांबळे यांनी म्हटले. (MLC Election 2026)

अमरावती विधान परिषद निवडणुकीसाठी भाजपकडून प्रवीण पोटे पाटील यांनी उमेदवारी अर्ज दाखल केला आहे. मात्र, येथून भाजप कार्यकर्ते असलेल्या विप्लव बजोरिया यांनीच बंडखोरी करत अर्ज दाखल केला होता. मात्र, आज बजोरिया यांचा अर्ज छाननीमध्ये बाद करण्यात आला आहे. (MLC Election 2026)

विशेष म्हणजे, मविआचे उमेदवार हर्षजीत देशमुख यांनीच विप्लव बाजोरिया यांच्या अर्जावर आक्षेप घेतला होता. नाशिक विधानपरिषद मतदारसंघात ही जागा ठाकरेसेनेला सोडण्यात आली होती. मात्र, शिवसेनेकडून उमेदवार देण्यात आला नाही, त्यामुळे येथे मविआचा अधिकृत उमेदवारच नाही. (MLC Election 2026)

आता, अपक्ष उमेदवारी अर्ज भरलेल्यांपैकी कोणत्या नेत्याला मविआ पाठिंबा देते त्यावर येतील महायुतीच्या विरोधातील उमेदवार निश्चित होईल. दरम्यान, या चारही मतदारसंघांचा विचार केल्यास भाजप महायुतीचे संख्याबळ आणि समोरील उमेदवारांची माघार लक्षात घेत येथे महायुतीच्या उमेदवाराचा विजय निश्चित मानला जात आहे. (MLC Election 2026)