पुणे – कँटोन्मेंटचा विकास करण्यासाठी पुन्हा रमेश बागवे यांना विक्रमी मतांनी निवडून देण्याचा निर्धार मातंग आणि धोबी समाज मेळाव्यात करण्यात आला.

महाविकास आघाडी, इंडिया फ्रंट व मित्रपक्ष काँग्रेसचे उमेदवार रमेश बागवे यांनी मंगळवारी केली. महाविकास आघाडी, इंडिया फ्रंट व मित्रपक्ष काँग्रेसचे उमेदवार रमेश बागवे यांच्या प्रचारार्थ महाविकास आघाडीच्या प्रमुख पदाधिकाऱ्यांची बैठक आणि या दोन्ही समाजांचा मेळावा झाला.

यावेळी माजी मंत्री बाळासाहेब शिवरकर, संगीता तिवारी, अविनाश बागवे, कुमार राठोड, प्रदीप परदेशी, संजय कवडे, योगेश घोडके, अक्रम शेख, हिरालाल परदेशी, मनोज बाट्टम, गणेश सातपुते, संजय वाघमारे, डेनी स्वामी, अजय पाटोळे, अविनाश अंजीरवाल यांच्यासह महाविकास आघाडीतील पक्षांसह आप तसेच बीटी कवडे रस्ता व्यापारी संघटना, धोबी व ख्रिश्चन समाज, कार्यकर्ते मोठ्या संख्येने उपस्थित होते.

केंद्रात व राज्यात सत्ता असूनही मतदारसंघाचा विकास झालेला नाही. या उलट बागवे यांच्या काळात घोरपडी बाजार पोलीस चौकी, धोबी घाट, राम मंदिर अशी विविध विकासकामे आमदार निधीतून झाली. त्यामुळे मतदारसंघाच्या सर्वागीन विकासासाठी बागवे यांना विजयी करण्याचा निर्धार यावेळी उपस्थितांनी केला.

मागील दहा वर्षात जी कामे झाली नाहीत ती आपण आमदार असताना अवघ्या पाच वर्षात केली. मतदारसंघाच्या सर्वांगीन विकासासाठी मी पुन्हा एकदा मतदारांच्या समोर जात असल्याचे महाविकास आघाडीचे उमेदवार रमेश बागवे यांनी सांगितले.