juhi chawla – बॉलीवूडच्या टैलेंटेड अभिनेत्रींच्या यादीत जुही चावलाचा समावेश होतो. जुहीने 1986 मध्ये  सल्तनत या चित्रपटातून बॉलिवूडमध्ये पदार्पण केले आणि त्यानंतर तिने मागे वळून पाहिले नाही.

जुहीने कयामत से कयामत तक, राजू बन गया जेंटलमन, लुटेरे, हम हैं राही प्यार के असे अनेक हिट चित्रपट दिले. मात्र, ‘दिल तो पागल है’मध्ये माधुरी दीक्षितसोबत काम करण्यास तिने नकार का दिला होता, याची खंत जुहीला अजूनही आहे.

खुद्द जुहीने एका मुलाखतीत याचा खुलासा केला होता. ‘दिल तो पागल है’ नाकारल्याबद्दल जुहीला अजूनही पश्चाताप होतो. जुही चावलाने काल तिचा 56 वा वाढदिवस साजरा केला. दरम्यान, अभिनेत्रीच्या रेडिफसोबतच्या थ्रोबॅक मुलाखतीचा व्हिडिओ व्हायरल होत आहे. व्हिडिओमध्ये, जुहीने त्या चित्रपटांबद्दल बोलताना दिसली जे तिने नाकारले होते आणि ते चित्रपट नंतर ब्लॉकबस्टर ठरले. मुलाखती-दरम्यान जुहीने खुलासा केला की, तिला माधुरीसोबत काम करण्याची एकमेव संधी ‘दिल तो पागल है’मध्ये मिळाली. मात्र,  तिने अभिनेत्रीसोबत काम करण्यास नकार दिला.

जुहीने ‘दिल तो पागल है’ का नाकारला?
‘दिल तो पागल है’मध्ये काम करण्यास नकार देण्याचे कारण सांगताना जुही म्हणाली, “त्यावेळी मला माधुरीसोबत दुसरी मुख्य भूमिका करायची नव्हती. कधी-कधी तुम्ही चुकीचे निर्णय घेतो.” जुही पुढे म्हणाली की, ‘मी ‘राजा हिंदुस्तानी’ आणि ‘जुदाई’ही नाकारला. हे सर्व चित्रपट ब्लॉकबस्टर ठरले. करिश्मा कपूरच्या स्टारडमला मी जबाबदार आहे. जुही चावला आणि माधुरी दीक्षित यांच्यात जोरदार स्पर्धा होती.

याच मुलाखतीदरम्यान, जुहीने माधुरी दीक्षित, करिश्मा कपूर, मनीषा कोईराला, रवीना टंडन यांच्याशी तिच्या कठीण स्पर्धेबद्दलही सांगितले. “काही वर्षे शत्रुत्व चालूच राहिले,” जुहीने खुलासा केला होता की ते फक्त कार्यक्रमांमध्येच भेटायचे. जुही म्हणाली,“आम्ही नुकतेच भेटलो आणि त्यापलीकडे बोललो नाही. आम्ही सर्व  सर्वांनी सोलो हीरोइन असलेल्या चित्रपटांमध्ये काम केले आहे, मी फार कमी वेळा दोन अभिनेत्रींसोबत चित्रपट केले आहेत.’

जुही चावलाच्या वर्क फ्रंटबद्दल बोलायचे झाले तर, तिने तिच्या करिअरमध्ये अनेक हिट चित्रपटांमध्ये काम केले आहे. याशिवाय जुहीने  ‘फिर भी दिल है हिंदुस्तानी’, ‘अशोका’ आणि ‘चलते-चलते’सह अनेक चित्रपटांची सहनिर्मिती केली आहे. जुही शेवटची ऋषी कपूर, परेश रावल, सतीश कौशिक आणि इतर अनेक स्टार्ससोबत ‘शरमाजी नमकीन’ चित्रपटात मोठ्या पडद्यावर दिसली होती.  आयशा झुल्का, करिश्मा तन्ना, कृतिका कामरा, शहाना गोस्वामी आणि सोहा अली खान यांच्यासोबत ‘फ्रायडे नाईट प्लॅन’ आणि ‘हुश हुश’ या कॉमेडी-ड्रामा चित्रपटात काम  तिने केले आहे.