LSG vs MI Rohit Sharma out of MI playing xi and impact substitute : इंडियन प्रीमियर लीग २०२५ च्या १६ व्या सामन्यातून एक खूप मोठी बातमी समोर आली आहे. मुंबई इंडियन्सचा माजी कर्णधार आणि अनुभवी खेळाडू रोहित शर्माला संघातून वगळण्यात आले आहे. लखनौविरुद्धच्या सामन्यातील प्लेइंग इलेव्हनमध्ये रोहितला स्थान मिळाले नाही आणि तो प्रभावशाली खेळाडूंच्या यादीतही नाही. रोहित शर्माला लखनौ सुपर जायंट्सविरुद्धच्या सामन्यातून का वगळण्यात आले आहे? जाणून घेऊया. रोहित शर्माला दुखापतीमुळे संघात स्थान मिळाले नाही. त्याला नेटमध्ये सराव करताना दुखापत झाली होती, ज्यामुळे त्याला लखनौविरुद्धच्या सामन्यातून बाहेर बसावे लागले आहे. २०२५ च्या आयपीएलमध्ये रोहित शर्मा खूपच खराब फॉर्ममध्ये दिसत आहे. तो सलग तीन सामन्यांमध्ये अपयशी ठरला आहे. चेन्नईविरुद्ध रोहितला खातेही उघडता आले नाही. गुजरात टायटन्सविरुद्ध त्याच्या बॅटमधून फक्त ८ धावा आल्या, तर केकेआरविरुद्ध त्याने १३ धावा केल्या. म्हणजे, ३ सामन्यांमध्ये रोहितने फक्त ७ च्या सरासरीने २१ धावा केल्या आहे. रोहित शर्माच्या गुडघ्याला दुखापत – हार्दिक पंड्या आजच्या सामन्यात हार्दिक पंड्याने नाणेफेक जिंकून प्रथम गोलंदाजी करण्याचा निर्णय घेतला. यावेळी त्याने रोहित शर्माबद्दल सांगितले की, रोहित शर्माच्या गुडघ्याला दुखापत झाली आहे. लखनौच्या अटलबिहारी वाजपेयी स्टेडियममध्ये सराव करताना त्याला दुखापत झाली. रोहित शर्माची ही दुखापत किती गंभीर आहे हे माहित नाही. रोहित पुढच्या सामन्यासाठी तंदुरुस्त होईल का? की तो आणखी काही सामन्यांसाठी बेंचवर राहील, हा एक मोठा प्रश्न आहे. हेही वाचा – CSK vs DC : MS Dhoni पुन्हा दिल्लीविरुद्ध कर्णधारपद भूषवताना दिसणार? जाणून घ्या काय आहे कारण? युवा खेळाडूला मिळाली पदार्पणाची संधी – मुंबई इंडियन्सच्या संघात आणखी एका युवा खेळाडूने पदार्पण केले आहे. पंजाबचा अष्टपैलू खेळाडू राज अंगद बावा संघात आला आहे. राज अंगद बावा चंदीगडकडून प्रथम श्रेणी क्रिकेट खेळतो. या खेळाडूने ११ प्रथम श्रेणी सामन्यांमध्ये ४२ पेक्षा जास्त सरासरीने ६३३ धावा केल्या आहेत. त्याने टी-२० मध्ये २३ पेक्षा जास्त सरासरीने ३०८ धावा केल्या आहेत. याशिवाय, त्याने प्रथम श्रेणी क्रिकेटमध्ये १३ बळी घेतले आहेत आणि टी-२० मध्ये २२ बळी घेतले आहेत.
