LPG Cylinder Price : ऑक्टोबरच्या पहिल्याच दिवसाच्या महागाईचा फटका बसला आहे. तेल कंपन्यांनी गॅस सिलेंडरच्या दरात मोठी वाढ केली असून नव्या किंमती जारी करण्यात आल्या आहेत. त्यानुसार १९ किलोग्रॅम वजनाच्या कमर्शियल एलपीजी सिलेंडरच्या किमतीत तेल कंपन्यांनी ६२.५० रुपयांनी वाढ केली आहे.

आता राजधानी दिल्लीमध्ये  19 किलोंचा सिलेंडरचे दर 62.50 रुपयांनी वाढून आता 2 हजार 810 रुपयांवर पोहोचले आहेत. सणासुदीच्या काळात एलपीजी सिलेंडरच्या महागाईटा झटका अप्रत्यक्षपणे सर्वसामान्यांच्या खिशाला बसला आहे. एलपीजी सिलेंडरच्या महागाईचा झटका थेट हॉटेल्स, रेस्टॉरंट्स, ढाबे आणि कॅटरिंग व्यवसायांना बसला आहे. अलीकडच्या काळात व्यावसायिक गॅस सिलेंडरच्या किंमतीत वारंवार बदल होत असल्याने हॉटेल्स आणि रेस्टॉरंट्समधील खाद्यपदार्थांचे दर वाढू शकतात.

घरगुती एलपीजी सिलेंडरच्या किमतीत बदल नाही 

दरम्यान, तेल कंपन्यांनी १९ किलो वजनाच्या कमर्शियल एलपीजी सिलेंडरच्या किमतीत वाढ केली असली तरी दिलासादायक बाब म्हणजे घरगुती एलपीजी सिलेंडरच्या किमतीत कुठलाही बदल करण्यात आलेले नाहीत. सध्या १४.२ किलो वजनाच्या घरगुती वापराचा एलपीजी सिलेंडर मुंबईत ९४१.५० रुपये, दिल्लीमध्ये ९४२ रुपये, चेन्नईत ९५७.५० रुपये, कोलकातामध्ये ९६८ रुपयांना मिळत आहे.

हेही वाचा: 

Jitendra Joshi : ‘…त्यावेळी मी खूप घाबरलो होतो’; जितेंद्र जोशीने शेअर केला नम्रता शिरोडकरसोबत काम करण्याचा अनुभव