Lok Sabha Election 2024 । लोकसभा निवडणुकीनंतर देशातील बहुतेक प्रादेशिक पक्ष काँग्रेसमध्ये विलीन होतील किंवा काँग्रेससोबत जातील, असे भाकित शरद पवार यांनी व्यक्त केल्यानंतर देशात पुन्हा एकदा विलीनीकरण या विषयावर चर्चा सुरू झाली आहे. देशात सध्या सुरू असलेल्या लोकसभा निवडणुकीची अर्धी प्रक्रिया पूर्ण झाल्यानंतर शरद पवार यांनी एका इंग्रजी वृत्तपत्राला दिलेल्या मुलाखतीमध्ये हे भाकित केले होते. यावरून राजकारण तापले असून राजकीय नेते प्रतिक्रिया देतांना दिसत आहे.

यावरच आता पंतप्रधान नरेंद्र मोदी यांनी नंदुबार येथे सभेला संबोधतांना शरद पवार यांना मोदी ऑफर दिली आहे. मोदी म्हणाले,’बारामतीच्या निवडणुकीनंतर शरद पवार चिंतेत आहेत. नकली शिवसेना, NCP ने काँग्रेसमध्ये विलीन होण्याच मन बनवलय’ असेही ते म्हणाले.

दरम्यान, नरेंद्र मोदी यांनी शरद पवारांवर टीका केली असली, तरी त्यांना एक ऑफर सुद्धा दिली आहे. ते म्हणाले,’शरद पवारांनी एकनाथ शिंदे, अजित पवारांसोबत एनडीएमध्ये यावं, त्यांची सगळी स्वप्न पूर्ण होतील.’ असेही मोदी म्हणाले आहे.यावर शिवसेना ठाकरे गटाचे नेते संजय राऊत यांनी पहिली पंतप्रधान नरेंद्र मोदी यांच्या ऑफरवर प्रतिक्रिया दिली आहे.

संजय राऊत म्हणाले…
‘शिवसेना पक्षप्रमुख उद्धव ठाकरे आणि राष्ट्रवादीचे ज्येष्ठ नेते शरद पवार हे कोणत्याही प्रकारचा स्वाभिमान बाजूला ठेऊन राष्ट्रहिताचा बळी देऊन नरेंद्र मोदी यांच्यासारख्या बाजूला जातील. कुणी याचा विचार स्वप्नातही करणार नाही. मोदींना समोर त्यांचा पराभव दिसतोय.’

हे वाचले का ? PM मोदींच्या ऑPM मोदींची शरद पवारांना मोठी ऑफर,’शिंदे, अजित पवारांसोबत एनडीएमध्ये यावं..’फरवर ठाकरे गटाची पहिली प्रतिक्रिया…