मायावती झाल्या सक्रिय…! यूपी पश्चिममध्ये भव्य पद्धतीने 10 रॅली काढणार

Lok Sabha Election 2024 ।  लोकसभा निवडणुकीपासून आतापर्यंत दूर राहिलेल्या बसपा प्रमुख मायावती आता आपल्या पक्षाच्या प्रचाराची कमान स्वत:च्या हातात घेणार आहेत.

आतापर्यंत बसपा प्रमुख मायावती यांचे पुतणे आकाश आनंद त्यांच्या पक्षाच्या उमेदवारांच्या बाजूने जाहीर सभा घेत होते. आता बातमी अशी आहे की, मायावती यूपी पश्चिममध्ये बसपा उमेदवारांचा जोरदार प्रचार करणार आहेत.

पश्चिम उत्तर प्रदेशात 10 रॅली काढण्याची मायावतींची योजना आहे. 14 एप्रिलपासून त्या आपल्या पक्षाचा प्रचार सुरू करणार आहेत,  हा प्रचार 23 एप्रिलपर्यंत चालणार आहे. यादरम्यान मायावती लोकसभेच्या 12 जागांसाठी 10 रॅली घेणार आहेत. मायावतींच्या प्रचाराच्या वेळापत्रकानुसार, त्या १४ एप्रिलला मुझफ्फरनगर आणि सहारनपूर, १५ एप्रिलला रामपूर आणि मुरादाबाद, १६ एप्रिलला बिजनौर आणि नगीना येथे सभा घेणार आहेत.

यानंतर, बसपा प्रमुख 16 एप्रिलला बिजनौर आणि नगीनामध्ये, 21 एप्रिलला गाझियाबादच्या मुरादनगर आणि अमरोहामध्ये, 22 एप्रिलला सिकंदराबादमध्ये आणि 23 एप्रिलला मेरठमध्ये निवडणूक रॅली घेणार आहेत. 2019 मध्ये बसपाने सहारनपूर, बिजनौर, अमरोहा आणि नगीना लोकसभा जागा जिंकल्या होत्या. या निवडणुकीत सपा आणि बसपाची युती होती.

BSP चे 2024 च्या लोकसभा निवडणुकीचे उमेदवार येथे पहा

हे वाचले का ? काय सांगता …! भाजप उमेदवाराने निवडणूक प्रचारादरम्यान महिलेचे घेतले ‘चुंबन’