ब्युनॉस आयर्स – विश्व करंडक फुटबॉल स्पर्धेच्या अंतिम सामन्यातील चमकदार कामगिरीमुळे लिओनेल मेसी पुन्हा एकदा चाहत्यांच्या गळ्यातील ताईत बनला आहे. अर्थात त्याचा इथपर्यंतचा प्रवास अजिबात सोपा नव्हता. लहानपणी त्याला ग्रोथ हार्मोन डिफिशियन्सी या व्याधीला सामोरे जावे लागले होते.

जगभरातील क्रीडा प्रेमींमध्ये सध्या लिओनेल मेस्सी चे नाव गाजत गाजत आहे. फिफा 2022 च्या अंतिम सामन्यात मेसीने पुन्हा एकदा दाखवून दिले की, त्याला `गोट` म्हणजेच `जीओएटी-ग्रेटेस्ट ऑफ ऑल टाइम’ का म्हटले जाते. तब्बल 36 वर्षानंतर अर्जेंटिनाने विश्व करंडकावर नाव कोरले आहे. या सामन्यातील कामगिरीमुळे सध्या जगभर मेस्सी चे नाव गाजत आहे.

मात्र लहानपणी जेव्हा त्याला कळले की ग्रोथ हार्मोन डिफिशियन्सी या व्याधीने त्याला ग्रासले आहे तेव्हा त्याच्या सर्व आशा आकांक्षांचा चक्काचूर झाला होता. या व्याधीमुळे अनेकदा शरीराची वाढ थांबते. जर तुमच्या आसपास या व्याधीची लक्षणे दिसणारी व्यक्ती आढळली तर त्याच्यावर योग्य ते उपचार होणे गरजेचे आहे ही बाब लक्षात घेतली पाहिजे.

ग्रोथ हार्मोन डिफिशियन्सी म्हणजे काय ?
शरीरात ग्रोथ हार्मोन्स कमी असतात तेव्हा ही समस्या निर्माण होती प्रामुख्याने मुलांमध्ये ही समस्या आढळते या व्याधी व्याधीमुळे मुलांचा विकास मंदावतो. त्याचबरोबर त्यांची उंची वाढणे बंद होते. ग्रोथ हार्मोन्स डोक्यामधील ग्रंथींद्वारे तयार केले जाते. जेव्हा जेव्हा शरीरात या ग्रोथ हार्मोन पुरेशा प्रमाणात तयार होत नाही तेव्हा ते मुल ग्रोथ हार्मोन डिफिशियन्सी चे शिकार ठरते.

या व्याधीची लक्षणे कोणती?
अगदी अल्पगतीने उंचीची वाढ, उशिरा दात येणे, नखांची मंद वाढ, स्नायूंच्या पेशींमध्ये ताकद नसणे, शरीरात ऊर्जा कमी असणे, रक्तातील साखरेचे प्रमाण कमी होणे, शरीराच्या एकंदरीत आकारमानात बदल होणे, एलडीए कॅलेस्टरॉल मध्ये वाढ होणे, हृदयाशी संबंधित समस्या ग्रोथ हार्मोन डिफिशियन्सीची कारणे कुठल्याही व्यक्तीला ही व्याधी होऊ शकते.

त्यामागे अनेक कारणे असू शकतात काही कारणे अनुवंशिक आणि शारीरिक असतात. काही वेळा मुलांना जन्मताच ही व्याधी असते किंवा एखादा फटका बसणे मार लागणे यामुळे देखील ग्रोथ हार्मोन तयार होण्यात अडचणी निर्माण होऊ शकतात.

शरीरात ग्रोथ हार्मोन कमी होण्याची कारणे पुढील प्रमाणे :
1) जन्मापासूनच समस्या
2) अनुवंशिक कारणे
3) डोक्यावर गंभीर फटका किंवा गंभीर जखम होणे
4) डोक्यामध्ये गाठ होणे
5) आहारामध्ये संतुलन नसणे

ग्रोथ हार्मोन डिफिशियन्सी या व्याधीशी लढत असलेल्या व्यक्तीच्या शरीरात ग्रोथ हार्मोनचे उत्पादन योग्य पातळीवर येण्यासाठी रोज इंजेक्शन घ्यावे लागते. जर एखाद्या मुल या व्याधीने ग्रस्त असेल तर लहानपणापासून ते प्रौढावस्था प्राप्त होईपर्यंत शरीरातील ग्रोथ हार्मोन तयार होण्यासाठी उपचार घ्यावे लागतात.

असे उपचार घेतले तर प्रौढ होईपर्यंत ही समस्या बऱ्यापैकी डोक्यात आलेली असते. याखेरीज आहारातही योग्य बदल करून या समस्येला नियंत्रणात ठेवता येते. शरीरातील ग्रोथ हार्मोनच्या वाढीसाठी आहारात अंडी, टोमॅटो, मांस, मासे, दूध, बदाम, शेंगदाणे, सफरचंद, केळी आदीचा समावेश केला जाऊ शकतो.