LC Election: विधान परिषद निवडणूक जाहीर; काॅंग्रेस ‘या’ उमेदवाराला देणार पाठिंबा, हर्षवर्धन सपकाळ यांची माहिती

LC Election: महाराष्ट्र विधान परिषदे च्या १० जागांसाठी निवडणुकीचा कार्यक्रम जाहीर करण्यात आला असून, येत्या १२ मे रोजी मतदान होणार आहे. यामध्ये ९ जागांसाठी नियमित निवडणूक तर एका जागेसाठी पोटनिवडणूक होणार आहे. या पार्श्वभूमीवर राजकीय हालचालींना वेग आला असून, काँग्रेस प्रदेशाध्यक्ष हर्षवर्धन सपकाळ यांनी महत्त्वपूर्ण भूमिका स्पष्ट केली आहे.

सपकाळ यांनी स्पष्ट केले की, “उद्धव ठाकरे विधान परिषदेवर जात असतील, तर काँग्रेस त्यांना पाठिंबा देईल. मात्र, इतर कोणतेही प्रस्ताव असतील, तर त्यावर सविस्तर चर्चा आवश्यक आहे.” तसेच त्यांनी राजीव सातव यांच्या जागेचा मुद्दाही उपस्थित करत, “ही जागा काँग्रेसची होती. मुख्यमंत्री देवेंद्र फडणवीस यांनी पूर्वी सांगितलेल्या राजकीय संस्कृतीनुसार ही जागा काँग्रेसलाच देण्यात यावी,” अशी मागणी केली. LC Election

दरम्यान, विधान परिषदेतील ९ सदस्यांचा कार्यकाळ लवकरच संपणार आहे. त्यामध्ये विविध पक्षांच्या प्रमुख नेत्यांचा समावेश असून, या निवडणुकीत पक्षीय समीकरणे निर्णायक ठरणार आहेत. LC Election

हेही वाचा – Pune: खानवडी शाळा प्रकरणी गटशिक्षणाधिकारी गोविंद लाखे निलंबित

विधान परिषदेतील 9 आमदारांचा कार्यकाळ संपणार – 1. उद्धव ठाकरे (शिवसेना – उबाठा)

2. नीलम गोऱ्हे (शिवसेना)

3. शशिकांत शिंदे (राष्ट्रवादी – शरद पवार गट)

4. अमोल मिटकरी (राष्ट्रवादी – अजित पवार गट)

5. गोपीचंद पडळकर (भाजप)

6. रणजितसिंह मोहिते-पाटील (भाजप)

7. राजेश राठोड (काँग्रेस)

8. प्रवीण दटके (भाजप)

9. रमेश कराड (भाजप)

28 मतांचा कोटा आवश्यक – दरम्यान, विधान परिषदेचा एक आमदार निवडून येण्यासाठी 28 मतांचा कोटा आवश्यक आहे. महायुतीत भाजप (131 आमदार), एकनाथ शिंदे यांची शिवसेना (57 आमदार) आणि अजित पवार यांची राष्ट्रवादी (40 आमदार) असे बलाबल पाहता महायुतीचे 8 उमेदवार सहज निवडून येऊ शकतात. तर महाविकास आघाडीचे एकूण संख्याबळ 46 आहे. त्यामुळे त्यांचा केवळ एकच उमेदवार सहज निवडून येऊ शकतो. दुसऱ्या जागेसाठी त्यांना 10 मतांची जुळवाजुळव करावी लागेल, जे सध्याच्या स्थितीत कठीण दिसत आहे.

निवडणूक कार्यक्रम पुढीलप्रमाणे अधिसूचना जाहीर : २३ एप्रिल २०२६ अर्ज भरण्याची अंतिम तारीख : ३० एप्रिल २०२६ अर्ज छाननी : २ मे २०२६ अर्ज मागे घेण्याची अंतिम तारीख : ४ मे २०२६ मतदान : १२ मे २०२६ (सकाळी ९ ते दुपारी ४) मतमोजणी : १२ मे २०२६ (सायं. ५ वाजता) प्रक्रिया पूर्ण : १३ मे २०२६

या निवडणुकीतून राज्यातील सत्तासमीकरणांवर मोठा परिणाम होण्याची शक्यता असून, महाविकास आघाडीतील जागावाटप आणि उमेदवारीबाबत पुढील काही दिवसांत स्पष्ट चित्र समोर येणार आहे.