प्रभात वृत्तसेवा बारामती – बारामती शहरात (दि.5) रोजी ओबीसी समाजाच्या मोर्चामुळे लक्ष्मण हाके आणि परिसरातील 14 जणांविरोधात पोलिसांनी गुन्हा दाखल केला होता. याप्रकरणी गुरूवार (दि.२५) रोजी लक्ष्मण हाके बारामती शहर पोलीस ठाण्यात आले. यावेळी आंदोलकांची पोलिसांसमवेत बाचाबाची देखील झाली. मात्र, त्यानंतर पत्रकार परिषदेत हाके यांनी पवार कुटुंबावर जोरदार टीका केली.(दि.५) बारामतीत ओबीसी एल्गार मोर्चाचे आयोजन केले होते. पोलिसांनी परवानगी नाकारली तरी हाके यांनी समर्थकांसह मोर्चा काढला. याप्रकरणी त्यांच्यासह १४ जणांवर गुन्हा दाखल केला होता. त्यानंतर सर्वजण बारामती पोलीस ठाण्यात हजर झाले. आम्हाला अटक करा अशी मागणी केली. मात्र, पोलिसांनी केवळ नोटीस देऊन त्यांना सोडले.यावेळी खासदार सुप्रिया सुळे यांच्यावरही हाके यांनी टीका केली. आर्थिक निकषावर आरक्षण द्यायला पाहिजे या त्यांच्या वक्तव्यावर हाके म्हणाले, “सुप्रिया सुळे उत्कृष्ट संसदपटू नाहीत. सुळे यांना सामाजिक प्रश्न माहीत नाहीत. बापाचा वारसा चालवण्याच्या नावाखाली त्या फक्त बोलायचे काम करतात, पण तुम्ही सामाजिक अस्वस्थता काय आहे ते जाणून घ्या.
