अहमदाबाद – पंजाबी गायक सिद्धू मूसवालाच्या हत्येचा मास्टरमाइंड लॉरेन्स बिश्नोईने तुरुंगातून व्हिडिओ कॉलद्वारे आपल्या जोडीदाराला ईदच्या शुभेच्छा दिल्याचे उघड झाले आहे.

गुजरात तुरुंगात बंद असलेल्या लॉरेन्स बिश्नोईचा एक व्हिडिओ सोशल मीडियावर व्हायरल होत आहे. या व्हिडिओमध्ये गँगस्टर लॉरेन्स बिश्नोई त्याचा दुबईस्थित सहकारी शहजादला व्हिडिओ कॉलद्वारे ईदच्या शुभेच्छा देताना दिसत आहे.

व्हिडिओमध्ये दोघेही एकमेकांशी बोलताना दिसत आहेत. मात्र, अद्याप या व्हिडिओला अधिकृत दुजोरा मिळालेला नाही. लॉरेन्स बिश्नोई यांने तुरुंगातूनच पहिली मुलाखत दिली होती. हा व्हिडिओ समोर आल्यानंतर तुरुंग प्रशासनावर प्रश्न उपस्थित होत असून प्रशासन पुन्हा एकदा घेरले आहे.

लॉरेन्स बिश्नोई हा पंजाबी गायक सिद्धू मूसवालाच्या हत्येचा मास्टरमाइंड आहे. इतकेच नाही तर एप्रिलमध्ये सलमान खानच्या घराबाहेर गोळीबारही लॉरेन्स बिश्नोई टोळीने केला होता. याप्रकरणी पोलिसांनी अनेकांना अटकही केली आहे.