Lawrence Bishnoi Gang । कॅनडानंतर आता लॉरेन्स बिश्नोई आणि गोल्डी ब्रार टोळीने अमेरिकेतही दहशत माजवण्यास सुरुवात केली आहे. या टोळीशी संबंधित रोहित गोदाराने कॅलिफोर्नियातील गोळीबाराची जबाबदारी स्वीकारली आहे. सोशल मीडियावर केलेल्या एका पोस्टमध्ये त्यांनी याची जबाबदारी स्वीकारली आणि त्यामागचे कारणही सांगितले. अमेरिकेतील कॅलिफोर्नियामध्ये झालेल्या या गोळीबारात सुनील यादव उर्फ गोलीची स्टॉकटन शहरात हत्या करण्यात आली आहे. पाकिस्तानातून भारतात येणाऱ्या ड्रग्जमध्ये सुनील यादव हे मोठे नाव होते. लॉरेन्स बिश्नोई टोळीच्या रोहित गोदाराने सोशल मीडियावर या सर्व घटनेविषयी एक पोस्ट केली आहे. या पोस्टमध्ये त्याने, “सर्व भावांना राम-राम जय श्री राम… मी रोहित गोदारा गोल्डी ब्रार… बंधू जे आज स्टॉकटन, कॅलिफोर्निया, घर क्रमांक 6706 माउंट एल्बर्स व्हाई अमेरिका सुनील यादव उर्फ गोल्या विरम खेडा अबोहर याचा खून झाला आहे, त्याची संपूर्ण जबाबदारी आम्ही घेतो. त्यांनी पंजाब पोलिसांसोबत आमचा सर्वात प्रिय भाऊ अंकित भादूचा अकॉउंटर केला होता, त्याचा आम्ही बदला घेतला आहे… आणि यामध्ये जो कोणी सहभागी असेल, मग ते कोणीही असतील त्या प्रत्येकाचा हिशोब घेतला जाईल.” असे त्यांनी यावेळी म्हटले आहे. लॉरेन्स टोळीवर माहिती दिल्याचाही आरोप Lawrence Bishnoi Gang । रोहित गोदाराने पुढे लिहिले की, “बंधूंनो, त्यांनी संपूर्ण पंजाब, हरियाणा आणि राजस्थानमधील तरुणांना अंमली पदार्थांच्या आहारी घेतले आहे. ते पोलिसांच्या सहकार्याने ड्रग्ज विकतात. त्यांच्याकडे गुजरातमध्ये 300 किलो ड्रग्जचे वॉरंट आहे. जेव्हा आम्हाला माहिती मिळाली. अंकित भादू मृत्यूच्या भीतीने अमेरिकेत पळून गेला आणि आमच्या भावांची माहिती देऊ लागला. त्यामुळे तो स्वतः इंटेलिजन्स पोलिसात भरती झाला आहे आणि आमच्या ग्रुपचा भाग असल्याचा दावा करून पोलिसांना आमच्या भावांबद्दल माहिती देत असे. या पोस्टमध्ये गोदाराने पुढे एक इशारा लिहिला आहे की, “आपले सर्व शत्रू तयार राहावे… जगाच्या कोणत्याही कोपऱ्यात जा, आम्ही सर्वांपर्यंत पोहोचू.”असा इशारा त्याने दिला आहे. दोन वर्षांपूर्वी बनावट पासपोर्टद्वारे अमेरिकेत पलायन Lawrence Bishnoi Gang । सुनील यादव हा मूळचा अबोहर फाजिलक येथील रहिवासी असून यापूर्वी तो लॉरेन्स बिश्नोई टोळीशी संबंधित होता. तो एक मोठा ड्रग्ज माफिया होता, जो आंतरराष्ट्रीय स्तरावर कार्यरत होता. राजस्थान पोलिसांनी काही काळापूर्वी त्याच्याविरोधात रेड कॉर्नर नोटीस जारी केली होती. काही वर्षांपूर्वी सुनील यादवची एक खेप भारतात पकडली गेली होती. त्यात सुमारे 300 कोटी रुपयांचा माल होता. सुनील यादव 2 वर्षांपूर्वी बनावट पासपोर्ट वापरून अमेरिकेत पळून गेला होता. त्याचा हा पासपोर्ट राहुलच्या नावाने दिल्लीतून बनवला होता. त्याचवेळी रोहित गोदरा हा पवनच्या नावाचा बनावट पासपोर्ट घेऊन अमेरिकेला गेला होता.
