पिंपरी  – महिलेच्या तोंडावर गुंगीकारक औषध फवारणी करून तिच्यावर तीन जणांनी सामुहिक बलात्कार केला. ही घटना निगडी येथे घडली.याबाबत 21 वर्षीय तरुणीने निगडी पोलीस ठाण्यात फिर्याद दिली आहे. त्यानुसार तीन अनोळखी व्यक्‍तींवर सामुहिक बलात्काराचा गुन्हा दाखल करण्यात आला आहे.

पोलिसांनी दिलेल्या माहितीनुसार, शुक्रवारी सकाळी सात वाजताच्या सुमारास फिर्यादी तरुणी निगडीतील टिळक चौक परिसरातून चालली होती. त्यावेळी तीन जणांनी तिच्या तोंडावर स्प्रे मारून तोंडावर रूमाल लावून रिक्षातून अज्ञात ठिकाणी अपहरण करून नेले. तिथे तिच्यावर लैंगिक अत्यावर करण्यात आले. या घटनेमुळे शहरात एकच खळबळ उडाली असून पोलीस उपनिरीक्षक घाडगे याबाबत अधिक तपास करीत आहेत.