मुंबई – स्वर कोकिळा लता मंगेशकर यांनी यावर्षी फेब्रुवारीमध्ये जगाचा निरोप घेतला. आज त्या भलेही आपल्यात नसेल, पण आपल्या सुरेल आवाजात गायलेल्या हजारो गाण्यांमधून लता दीदी कायम आपल्या हृदयात जिवंत आहे.

लता मंगेशकर लोकांच्या मदतीसाठी नेहमी पुढे येऊन काम करत असे. संगीत क्षेत्रातील किंवा देशातील कोणत्याही आपत्तीसाठी लता दीदी मदत करण्यास सदैव तयार होत्या. आज लता दीदी आपल्यासोबत नाही, पण त्यांचं एक ड्रीम प्रोजेक्ट होत, जे आता पूर्ण होणार आहे.

लता मंगेशकर यांच्या कुटुंबीयांनी गुरुपौर्णिमेनिमित्त नाशिकमध्ये ‘स्वर माऊली’ फाऊंडेशन सुरू केले आहे. याबाबत लता मंगेशकर यांच्या इंस्टाग्राम अकाऊंटवर त्यांचा सोशल मीडिया टीमने एक पोस्ट शेअर करताना त्यांच्या ड्रीम प्रोजेक्टची माहिती दिली.

लतादीदींच्या छायाचित्रासह ‘स्वर माऊली’ फाऊंडेशनबद्दल माहिती देताना सांगण्यात आले की, ‘स्वर माऊली हा भारतातील गाणं कोकिळा लता मंगेशकर यांचा ड्रीम प्रोजेक्ट आहे. या फाउंडेशनच्या माध्यमातून संगीत आणि परफॉर्मिंग आर्ट्स, सिनेमा आणि थिएटर या क्षेत्रातील लोकांना मदत केली जाईल.’

वृद्धाश्रम बांधणे हे या फाउंडेशनचे मुख्य ध्येय आहे. हे प्रामुख्याने त्या कलाकारांसाठी आहे, ज्यांचे वय जास्त आहे. स्वर माऊली फाउंडेशन ही धर्मनिरपेक्ष आणि ना-नफा संस्था आहे. या पोस्टद्वारे चाहते लता मंगेशकर यांचे मोठ्या मनाने कौतुक करत आहेत.