LaGuardia Airport : अमेरिकेच्या न्यूयॉर्कच्या लागार्डिया विमानतळावर एक मोठा अपघात झाला. एअर कॅनडा एक्सप्रेसचे विमान विमानतळावर उभ्या असलेल्या एका ट्रकला धडकले. ज्यात अनेक जण गंभीर जखमी झाले. अपघातानंतर लगेचच बचावकार्य सुरू झाले. जखमींना उपचारासाठी रुग्णालयात दाखल केले जाईल.

रॉयटर्सच्या वृत्तानुसार, अमेरिकेच्या फेडरल एव्हिएशन ॲडमिनिस्ट्रेशनने एक सूचना जारी केली आहे. ज्यामध्ये म्हटले आहे की, सर्व उड्डाणे तात्पुरती थांबवण्यात येतील, म्हणजेच कोणतेही विमान उड्डाण करू शकणार नाही. 

एअर कॅनडा एक्सप्रेसचे विमान विमानतळावर उभ्या असलेल्या अग्निशमन दलाच्या गाडीला धडकले, ज्यामुळे विमानाच्या पुढील भागाचे मोठे नुकसान झाले. या अपघातात अनेक जण जखमी झाले.

लागार्डिया विमानतळावरील लँडिंगही थांबवण्यात आले LaGuardia Airport :

अपघातानंतर, लागार्डिया विमानतळाकडे येणारी विमाने दुसऱ्या मार्गाने वळवण्यात येत आहेत. टेकऑफ आणि लँडिंग दोन्ही थांबवण्यात आले आहेत. अपघाताचे अनेक व्हिडिओ आणि फोटो सोशल मीडियावर शेअर करण्यात आले आहेत.

🚨 BREAKING UPDATE: MULTIPLE CRITICAL PATIENTS AFTER AIR CANADA FLIGHT COLLIDES WITH VEHICLE WHILE LANDING AT LAGUARDIA AIRPORT. POSSIBLE FATALITIES. https://t.co/hZWimAuwe5 pic.twitter.com/62SUgxoUkA

— Breaking911 (@Breaking911) March 23, 2026

जेव्हा विमानतळावर दोन विमानांची टक्कर झाली  LaGuardia Airport :

ऑक्टोबर २०२५ मध्ये आणखी एक मोठा विमान अपघात झाला. डेल्टा एअरलाईन्सची दोन विमाने टॅक्सीवेवर एकमेकांवर आदळली, ज्यात एका विमानाचा पंख दुसऱ्या विमानाच्या कॉकपिटला धडकला. ऑक्टोबर २०१६ मध्ये, तत्कालीन उपराष्ट्रपती माईक पेन्स यांना घेऊन जाणारे विमान रनवे २२ वरून घसरले आणि गवतावर उतरले.

ला गार्डिया विमानतळ वैमानिकांसाठी एक मोठे आव्हान ठरले आहे. विमानतळाच्या सभोवताली पाणी आहे आणि धावपट्टी लहान आहे, त्यामुळे विमान उतरवताना आणि उड्डाण करताना अत्यंत सावधगिरी बाळगणे आवश्यक असते.