France Reach FIFA World Cup 2026 Semi Final Kylian Mbappe Ousmane Dembele Goals : फिफा फुटबॉल विश्वचषक २०२६ च्या पहिल्या अत्यंत चुरशीच्या क्वार्टर फायनल सामन्यात फ्रान्सने मोरक्कोचा २-० असा पराभव केला आहे. बॉस्टन स्टेडियमवर खेळवल्या गेलेल्या या ऐतिहासिक सामन्यात विजय मिळवून फ्रान्स चालू विश्वचषकाच्या उपांत्य फेरीत पोहोचणारा पहिला संघ ठरला आहे. फ्रान्सला सेमीफायनलचे तिकीट मिळवून देण्यात त्यांचा स्टार स्ट्रायकर किलियन एम्बाप्पेने सर्वात मोठी भूमिका बजावली. विशेष म्हणजे, एम्बाप्पेने या सामन्यात हुबेहूब तशीच कामगिरी केली, जशी ‘राऊंड ऑफ १६’ मध्ये अर्जेंटिनाच्या लिओनेल मेस्सीने केली होती. दोघेही आधी पेनल्टी चुकले आणि नंतर गोल करत संघाचे तारणहार बनले.

६ सामन्यांत १६ गोल; फ्रान्सचा १००% विजयाचा रेकॉर्ड!

मोरक्कोला नमवून फ्रान्सने या विश्वचषकातील आपला १०० टक्के विजयाचा धडाका कायम ठेवला आहे. फ्रान्सने सेमीफायनलपर्यंतचा प्रवास ६ सामन्यांत तब्बल १६ गोल डागत पूर्ण केला आहे. फ्रान्सने साखळी फेरीत सेनेगल आणि इराणविरुद्ध प्रत्येकी ३ गोल केले होते. त्यानंतर नॉर्वेविरुद्ध ४, स्वीडनविरुद्ध ३, पराग्वेविरुद्ध १ आणि आता सहाव्या सामन्यात मोरक्कोविरुद्ध २ गोल करून आपली ताकद दाखवून दिली आहे.

२८ व्या मिनिटाला मेस्सीसारखीच पेनल्टी चुकली, अन् ६० व्या मिनिटाला…

France are only the third nation to reach the semifinals in three successive men’s World Cup 🔁 pic.twitter.com/u4n3xl5IN7

— B/R Football (@brfootball) July 9, 2026

फ्रान्स आणि मोरक्को यांच्यातील सामन्याचा पहिला हाफ गोलशून्य राहिला. पहिल्या हाफच्या २८ व्या मिनिटाला फ्रान्सला १-० अशी आघाडी घेण्याची सुवर्णसंधी मिळाली होती, मात्र एम्बाप्पेने मारलेली पेनल्टी थेट मिस झाली. मेस्सीने ज्याप्रमाणे इजिप्तविरुद्ध पेनल्टी गमावली होती, अगदी तशीच चूक एम्बाप्पेकडून झाली. मात्र, दुसऱ्या हाफमध्ये खेळ सुरू झाल्यानंतर अवघ्या १५ मिनिटांत (६० व्या मिनिटाला) एम्बाप्पेने अप्रतिम गोल करत फ्रान्सला १-० ने पुढे नेले.

हेही वाचा – Muchova Wimbledon Final : झेक प्रजासत्ताकची कॅरोलिना मुचोव्हा अंतिम फेरीत दाखल! गतविजेत्या कोको गॉफला दाखवला बाहेरचा रस्ता

एम्बाप्पेचा तो कल्पक ‘असिस्ट’ आणि डेंबेलेचा फिनिशिंग टच –

🇫🇷 FRANCE REACH THE WORLD CUP SEMIS FOR THE THIRD STRAIGHT TOURNAMENT!

🏟️ Only two other nations have ever done it in history:
🥇 🇩🇪 Germany — 1966-74, 1982-90 & 2002-14 (FOUR in a row at one point!)
🥈 🇧🇷 Brazil — 1970-78 & 1994-2002
🆕 🇫🇷 France—2018,2022 & 2026

💫 Now Les… pic.twitter.com/JcYRST3BRU

— FIFA World Cup Stats (@alimo_philip) July 9, 2026

पहिला गोल केल्यानंतर मोरक्कोचा संघ दबावात आला. याचा फायदा घेत अवघ्या ६ मिनिटांनंतर (६६ व्या मिनिटाला) एम्बाप्पेने रचलेल्या एका सुंदर चालीवर ओस्मान डेंबेलेने (Ousmane Dembele) मोरक्कोच्या गोलपोस्टला भेदत दुसरा गोल डागला. फ्रान्सची ही २-० अशी भक्कम आघाडी सामन्याच्या अखेरपर्यंत कायम राहिली आणि फ्रान्सने दिमाखात सेमीफायनल गाठली.