Kupwara Encounter । जम्मू-काश्मीरमधील कुपवाडा जिल्ह्यातील कोवुत भागात बुधवारी भारतीय लष्कर आणि दहशतवाद्यांमध्ये चकमक झाली. लष्कराच्या जवानांनी एका दहशतवाद्याचा खात्मा केला आहे. कुपवाडा येथे झालेल्या या चकमकीत लष्कराचा एक जवानही जखमी झाला आहे.

सुरक्षा दल दहशतवादविरोधी कारवाया Kupwara Encounter ।

सध्या कारवाई सुरू आहे. गेल्या काही आठवड्यांपासून जम्मू-काश्मीरमधील कोणत्या ना कोणत्या जिल्ह्यात सुरक्षा दल आणि दहशतवाद्यांमध्ये जवळपास दररोज चकमक होत आहे. लष्कराने एलओसीवर घुसखोरीचे अनेक प्रयत्न हाणून पाडले आहेत.
कुपवाडामध्ये आज सुरक्षा दल आणि दहशतवाद्यांमध्ये चकमक झाली. सुरक्षा दल दहशतवादविरोधी कारवाया करत होते. यादरम्यान  दहशतवाद्यांशी त्यांचा सामना झाला. त्यानंतर जिल्ह्यातील लोलाब भागात चकमक सुरू झाली. काश्मीर विभाग पोलिसांनी सोशल मीडियावर एका पोस्टमध्ये म्हटले आहे की, “सुरक्षा दलांना कुपवाडा येथील लोलाब येथील त्रिमुखा टॉपजवळ दहशतवाद्यांच्या उपस्थितीची माहिती मिळाल्यानंतर ही कारवाई सुरू करण्यात आली.

लष्कराने पुंछमध्ये घुसखोरीचा प्रयत्न हाणून पाडला Kupwara Encounter । 

पाकिस्तानातून येणाऱ्या दहशतवाद्यांच्या माध्यमातून भारतात घुसखोरीचे प्रयत्न सुरू आहेत. लष्कराने मंगळवारी पहाटे पुंछ जिल्ह्यात नियंत्रण रेषेवर (एलओसी) दहशतवाद्यांचा घुसखोरीचा प्रयत्न हाणून पाडला. यादरम्यान दहशतवादी आणि लष्कराच्या जवानांमध्ये गोळीबार झाला, ज्यामध्ये एक जवान जखमी झाला. जखमी जवान उपचारादरम्यान शहीद झाले. ‘व्हाइट नाइट कॉर्प्स’ने सांगितले की, पहाटे 3 वाजता बटाल सेक्टरमध्ये घुसखोरीचा प्रयत्न करणाऱ्या दहशतवाद्यांच्या गोळीबाराला सतर्क जवानांनी चोख प्रत्युत्तर देऊन घुसखोरीचा प्रयत्न हाणून पाडला.

सूत्रांनी सांगितले की, पाकिस्तानातून आलेले दहशतवादी शस्त्रास्त्रांनी सज्ज होते. त्यांच्या एका गटाने कृष्णा घाटी पट्ट्यातील बटाल सेक्टरमध्ये घुसखोरीचा प्रयत्न केला. यावेळी तेथे तैनात असलेल्या जवानांची नजर त्यांच्यावर पडली आणि त्यांना त्यांच्या हालचाली लगेच लक्षात आल्या. सैनिकांनी घुसखोरांवर गोळीबार सुरू केला. त्यामुळे दहशतवाद्यांना माघार घ्यावी लागली. गोळीबारात दहशतवाद्यांचेही नुकसान झाले. त्यानंतर लष्कराने येथे शोधमोहीमही राबवली.