Kolhapur Football Craze FIFA World Cup 2026 : फुटबॉलची पंढरी म्हणून जगभर ओळखल्या जाणाऱ्या कोल्हापूर शहरात ‘फिफा विश्वचषक २०२६’ (FIFA World Cup 2026 ) स्पर्धेची अभूतपूर्व आणि ऐतिहासिक उत्सुकता पाहायला मिळत आहे. अवघ्या काही दिवसांवर येऊन ठेपलेल्या जगातील या सर्वात मोठ्या क्रीडा महोत्सवाच्या निमित्ताने कोल्हापूर शहरातील गल्लीबोळ, प्रमुख चौक आणि तालीम संस्था फुटबॉलच्या रंगात न्हाऊन निघाल्या आहेत. जरी ही विश्वचषक स्पर्धा परदेशात होणार असली, तरी तिची खरी आणि न भूतो न भविष्यती क्रेझ कोल्हापूरच्या स्थानिक फुटबॉलप्रेमींमध्ये दिसून येत असून संपूर्ण करवीर नगरी फुटबॉलमय झाली आहे.

१२ जूनपासून अमेरिका, मेक्सिको, कॅनडात रंगणार थरार! (Kolhapur Football Craze )

यंदाचा फुटबॉल वर्ल्डकप १२ जूनपासून सुरू होत असून ही स्पर्धा अमेरिका, मेक्सिको आणि कॅनडा या तीन देशांतील एकूण १६ प्रमुख शहरांमध्ये खेळवली जाणार आहे. या जागतिक महासंग्रामाच्या पार्श्वभूमीवर कोल्हापुरातील पेठापेठांमध्ये फुटबॉलवेड्या चाहत्यांनी लिओनेल मेस्सी, ख्रिस्तियानो रोनाल्डो आणि नेमार ज्युनियर यांसारख्या दिग्गज जागतिक स्टार खेळाडूंचे भव्य आणि उंच कटआऊट्स उभारले आहेत. तसेच ब्राझील, पोर्तुगाल, जर्मनी, इटली आणि फ्रान्स यांसारख्या बलाढ्य देशांचे झेंडे आणि पताके गल्लीबोळांत लावण्यात आले आहेत.

कोलकाता, केरळनंतर कोल्हापूरचाच डंका!  (Kolhapur Football Craze)

Kolhapur Gunners moving mad 😭😭❤️❤️ pic.twitter.com/oxHPSNkx8m

— Basumati Busquests (@Basumati_Busi) May 29, 2026

भारतीय फुटबॉल विश्वात कोलकाता आणि केरळनंतर सर्वात मोठा आणि कट्टर चाहता वर्ग असलेले शहर म्हणून कोल्हापूरचा देशभरात मोठा डंका आहे. येथील तालीम संस्था, तरुण मंडळे आणि स्थानिक फुटबॉल क्लबच्या चौकांमध्ये ‘वन लास्ट डान्स’, ‘कट्टर नेमार समर्थक’, ‘मेस्सी फॅन्स’, ‘द गोट वर्ल्ड चॅम्पियन’, ‘सीआर सेव्हन’ अशा विविध घोषणा लिहिलेले डिजिटल फलक आणि बॅनर्स झळकत आहेत.  (Kolhapur Football Craze)

हेही वाचा – Manav Suthar Records : भारताला सापडला नरेंद्र हिरवानीनंतरचा सर्वात मोठा मॅचविनर; मानव सुथारने मोडला आबिद अलींचा ५९ वर्षांचा विक्रम

फॅन्सनी आपापल्या आवडत्या संघांना उघड समर्थन जाहीर केल्याने पेठांमध्ये आतापासूनच चुरस आणि फुटबॉल शौकिनांचा उत्साह शिगेला पोहोचला आहे. पुढील महिनाभर कोल्हापूरकरांना फक्त आणि फक्त फुटबॉलचाच फिव्हर चढलेला पाहायला मिळणार आहे.   (Kolhapur Football Craze )