Kirit Somaiya on Bhai Jagtap। केंद्रीय निवडणूक आयोगाविषयी आक्षेपार्ह विधान केल्याप्रकरणी काँग्रेस नेते भाई जगताप यांच्यावर कारवाई करण्याची मागणी भाजप नेते किरीट सोमय्या यांनी केली आहे. किरीट सोमय्या यांनी निवडणूक आयोगाकडे तक्रार केली आहे. भाई जगताप यांनी निवडणूक आयोगाबद्दल आक्षेपार्ह विधान केले होते. भाजप नेते किरीट सोमय्या यांनी मुख्य निवडणूक आयुक्तांना, “महाराष्ट्र विधानसभा निवडणुकीचे निकाल पाहता काँग्रेस आमदार भाई जगताप यांनी निवडणूक आयोगाची बदनामी करण्याची मोहीम सुरू केली आहे. जगताप यांनी निवडणूक आयोगाचे वर्णन पंतप्रधानांचे पाळीव श्वान असे केले. अशाप्रकारे निवडणूक आयोगाचा अवमान केल्याबद्दल त्याच्यावर कारवाई करावी, ही विनंती.” अशी मागणी करणारे पत्र आयोगाला दिले आहे. निवडणूक आयोगाला दिली ‘ही’ उपमा Kirit Somaiya on Bhai Jagtap। अलीकडेच भाई जगताप म्हणाले होते, “मी एकटा नाही.” मी 45-47 वर्षे राजकारणात घालवली. महाराष्ट्रात असे निकाल लागलेले नाहीत. असे कोणतेही काम ना केंद्राने केले आहे ना. लोकसभेत सहा महिने अगोदर निर्णय घेतला जातो आणि तो जनतेचा निर्णय असतो. सर्व गोष्टी अचानक घडल्या आहेत. हा ईव्हीएमचा खेळ आहे, असे मी पूर्वीपासून म्हणत आलो आहे. आज नाही तर उद्या चर्चा व्हायला हवी. बॅलेट पेपरच्या माध्यमातून निवडणुका घ्याव्यात, अशी मागणी काँग्रेसने केली आहे. लोकशाहीवर प्रश्न उपस्थित होत असतील तर सरकार आणि निवडणूक आयोगाने उत्तर द्यावे. निवडणूक आयोग म्हणजे नरेंद्र मोदींच्या बंगल्याबाहेर बसलेला पाळीव श्वान आहे” असे त्यांनी म्हटले आहे. भाजपच्या वॉशिंग मशीनमध्ये साफसफाई झाली Kirit Somaiya on Bhai Jagtap। काँग्रेस नेते एवढ्यावरच थांबले नाहीत, ते पुढे म्हणाले की, “लोकशाही बळकट करण्यासाठी एजन्सी निर्माण करण्यात आल्या आहेत, मात्र देशभरात एजन्सीचा गैरवापर होत असून घोटाळे होत आहेत. मी घोटाळा हा शब्द वापरतोय कारण जे मंत्रीपदासाठी लढत आहेत. ज्या लोकांवर हे आरोप करण्यात आले होते ते त्यांच्या वॉशिंग मशीनमध्ये स्वच्छ झाले.
