नवी दिल्ली :- देशातील महत्त्वाच्या खरीप पिकांचे पेरणीचे क्षेत्र 18 ऑगस्ट 2023 पर्यंत गेल्या वर्षीच्या तुलनेत वाढले आहे. कृषी मंत्रालयाने जारी केलेल्या ताज्या आकडेवारीनुसार, यावर्षी 18 ऑगस्टपर्यंत खरीप पिकांच्या पेरणीखालील एकूण क्षेत्र 1022.51 लाख हेक्‍टर होते, तर गेल्या वर्षी या वेळेपर्यंत खरीप पिकांच्या पेरणीखालील एकूण क्षेत्र 1021.48 लाख नोंदवले गेले होते.

कृषी मंत्रालयाच्या म्हणण्यानुसार, यावर्षी 18 ऑगस्टपर्यंत 360.79 लाख हेक्‍टरवर भाताची पेरणी झाली आहे, तर गेल्या वर्षी या तारखेपर्यंत 345.79 लाख हेक्‍टरवर भाताची पेरणी झाली होती. म्हणजेच गतवर्षीपेक्षा यंदा दीड दशलक्ष हेक्‍टर अधिक क्षेत्रात भाताची पेरणी झाली आहे.

गेल्या वर्षीच्या तुलनेत यंदा ऑगस्टपर्यंत कडधान्य पिकांचा पेरा कमी झाला आहे. यावर्षी 18 ऑगस्टपर्यंत कडधान्य पिकांची एकूण पेरणी 114.93 लाख हेक्‍टरवर झाली होती, तर आजपर्यंत गतवर्षी 126.52 लाख हेक्‍टर क्षेत्रावर कडधान्य पिकांची पेरणी झाली होती.

म्हणजेच मागील वर्षीच्या तुलनेत 18 ऑगस्ट 2023 पर्यंत 11.59 लाख हेक्‍टरने डाळींच्या पेरणीखालील क्षेत्र कमी झाले आहे.