Khalistan Zindabad Force । पंजाबमधील गुरुदासपूरमधील ग्रेनेड हल्ल्यात कथितरित्या सहभागी असलेल्या तीन दहशतवादी संशयितांना आज पहाटे पीलीभीतमध्ये उत्तर प्रदेश आणि पंजाब पोलिसांच्या संयुक्त पथकासोबत झालेल्या चकमकीत ठार करण्यात आले. पंजाबचे पोलीस महासंचालक गौरव यादव यांनी पाकिस्तान प्रायोजित खलिस्तान झिंदाबाद फोर्स (KZF) मॉड्यूलच्या विरोधात हे मोठे यश असल्याचे म्हटले आहे. ही चकमक रविवारी रात्री झाली.

गुरविंदर सिंग (25), वीरेंद्र सिंग उर्फ ​​रवी (23) आणि जसप्रीत सिंग उर्फ ​​प्रताप सिंग (18, सर्व रा. गुरुदासपूर, पंजाब) अशी आरोपींची नावे आहेत. उत्तर प्रदेश पोलिसांचे अतिरिक्त महासंचालक (कायदा व सुव्यवस्था) अमिताभ यश यांनी, “गुरुदासपूरमधील पोलिस चौकीवर झालेल्या ग्रेनेड हल्ल्यात तिघांचा हात होता”असे त्यांनी सांगितले.

पोलिसांनी पकडण्याचा प्रयत्न केला असता गोळीबार

पोलिसांनी आधी तिघांना अटक करण्याचा प्रयत्न केला, मात्र गुन्हेगारांनी गोळीबार केल्याचे सांगण्यात येत आहे. प्रत्युत्तरा दाखल पोलिसांनीही गोळीबार केला. या गोळीबारात गुरविंदर सिंग, वीरेंद्र सिंग आणि जसनप्रीत सिंग या तिघांचा मृत्यू झाला. त्यांच्याकडून दोन एके सीरीज रायफल आणि अनेक ग्लॉक पिस्तुले जप्त करण्यात आली आहेत. हे तिघेही ‘खलिस्तान झिंदाबाद फोर्स’च्या पाकिस्तान प्रायोजित मॉड्यूलचा भाग असल्याचे पंजाब पोलिसांनी म्हटले आहे.

यावर्षी तीन हल्ले झाले

उत्तर प्रदेशचे डीजीपी प्रशांत कुमार यांनी या चाकमीविषयी बोलताना,”ही एक “धाडसी” कृती आहे आणि उत्तर प्रदेश आणि पंजाब पोलिसांमधील समन्वयाचे उत्तम उदाहरण आहे. आठवडाभरात पंजाबमधील तीन पोलिस ठाण्यांना लक्ष्य करण्यात आले. यामध्ये खलिस्तानी दहशतवाद्यांची भूमिका असल्याचा संशय सुरक्षा यंत्रणांना आहे. शुक्रवारी गुरुदासपूरमधील बांगर पोलीस चौकीला लक्ष्य करण्यात आले, तर मंगळवारी अमृतसरमधील इस्लामाबाद पोलीस ठाण्यात स्फोट झाला. गुरुदासपूरमधील बक्षीवाल पोलिस चौकीबाहेरही स्फोट झाला. या स्फोटांमध्ये कोणीही जखमी झाले नाही. खलिस्तान जिंदाबाद फोर्स या दहशतवादी संघटनेने या बॉम्बस्फोटांची जबाबदारी स्वीकारल्याचे सोशल मीडियावर फिरत असलेल्या एका अपुष्ट पोस्टमध्ये म्हटले आहे.

खलिस्तानी झिंदाबाद फोर्स म्हणजे काय? Khalistan Zindabad Force ।

खलिस्तान झिंदाबाद फोर्स (KZF), बेकायदेशीर हालचाली (प्रतिबंध) कायदा, 1967 अंतर्गत बंदी घालण्यात आलेला गट ज्याचे उद्दिष्ट  ‘सार्वभौम खलिस्तान राज्य’ स्थापन करण्याचे  आहे. KZF ची वास्तविक केडर संख्या आणि संघटनात्मक रचना याबद्दल कोणतीही तपशीलवार माहिती नसली तरी, जम्मूच्या बहुतेक शीखांचा त्यात समावेश असल्याचे सांगितले जाते.

रणजित सिंग नीता हे KZF चे प्रमुख आहेत. मूळची जम्मूच्या सुंबल कॅम्प भागातील रहिवासी असलेला नीता आता पाकिस्तानात राहत असल्याचे सांगण्यात येत आहे. 1988 ते 1999 दरम्यान जम्मू आणि पठाणकोट दरम्यान धावणाऱ्या ट्रेन आणि बसमध्ये बॉम्बस्फोटानंतर नोंदवण्यात आलेल्या किमान सहा एफआयआरमध्ये त्याचे नाव आहे. ऑक्टोबर 2001 मध्ये जम्मू-काश्मीरच्या कठुआ जिल्ह्यात पोलीस उपअधीक्षक देविंदर शर्मा यांच्या हत्येतही त्याचा हात असल्याचा आरोप आहे.

जम्मूमध्ये पुन्हा एकत्र येण्याचे प्रयत्न Khalistan Zindabad Force ।

केझेडएफची आणखी एक प्रमुख सदस्य रविंदर कौर उर्फ ​​टुटू याला 30 मार्च 1998 रोजी उत्तर प्रदेशातील रुद्रपूर येथून अटक करण्यात आली होती. एका इंग्रजी वर्तमानपत्राच्या माहितीनुसार, 6 जुलै 2005 रोजी उत्तर प्रदेशातील अयोध्येतील तात्पुरत्या राम मंदिरावर झालेल्या अयशस्वी दहशतवादी हल्ल्यानंतर,  KZF संघटना जम्मूमध्ये पुन्हा एकत्र येण्याचा प्रयत्न करत आहे का ? याची माहिती गोळा करण्याचे काम जम्मू आणि काश्मीर पोलीस करत असल्याचे सांगण्यात येत आहे.

या तिन्ही ठिकाणी संरक्षण 

पंजाब, जम्मू आणि दिल्ली ही या संघटनेच्या कार्याची प्रमुख क्षेत्रे आहेत. परंतु ही संघटना पूर्वी नेपाळमधूनही कार्यरत असल्याचे सांगण्यात येते.  त्यासाठी दिल्ली पोलिसांनी (डीपी) 24 ऑगस्ट 2000 रोजी तीन कार्यकर्त्यांना अटक करून संघटनेचे नेपाळ मॉड्यूल निष्फळ केल्याचा दावा केला जात आहे. आयएसआयशी संबंधित असण्याव्यतिरिक्त, केझेडएफचे जम्मू आणि काश्मीरमध्ये कार्यरत असलेल्या अनेक दहशतवादी गटांशी जवळचे संबंध आहेत.

हेही वाचा
उत्तर प्रदेशमध्ये पुन्हा एन्काउंटर! खलिस्तानी कमांडो फोर्सचे ३ दहशतवादी ठार ; २ एके-47 जप्त