पहलगाम : जम्मू-कश्मीरमधील प्रसिद्ध पर्यटनस्थळ पहलगाम येथे मंगळवारी (22 एप्रिल 2025) दहशतवाद्यांनी पर्यटकांवर भीषण हल्ला केला. प्रारंभिक माहितीनुसार, हल्लेखोरांनी बैसरन घाटी परिसरात अंदाधुंद गोळीबार केला, ज्यात एका पर्यटकाचा मृत्यू झाला आणि 12 जण जखमी झाले. यापैकी 4 जणांची प्रकृती गंभीर आहे. सूत्रांनुसार, या हल्ल्यात 27 जणांचा मृत्यू झाल्याची भीती व्यक्त केली जात आहे, परंतु अद्याप अधिकृत पुष्टी झालेली नाही. लष्कर-ए-तैयबाशी संबंधित ‘द रेझिस्टन्स फ्रंट’ (TRF) या दहशतवादी संघटनेने हल्ल्याची जबाबदारी स्वीकारली आहे. घटनेची माहिती मिळताच सुरक्षा दलांनी घटनास्थळ गाठून सर्च ऑपरेशन सुरू केले आहे.

हेल्पलाइन क्रमांक जारी
जम्मू-कश्मीर सरकारने या घटनेनंतर नागरिकांच्या सहाय्यासाठी हेल्पलाइन क्रमांक जारी केले आहेत. माहिती आणि जनसंपर्क विभागानुसार, आपत्कालीन नियंत्रण कक्षाचे संपर्क क्रमांक खालीलप्रमाणे आहेत:
श्रीनगर: 0194-2457543, 0194-2483651

आदिल फरीद, एडीसी श्रीनगर: 7006058623

पंतप्रधान मोदींचा कठोर इशारा: ‘दहशतवाद्यांना सोडणार नाही’
सौदी अरब दौऱ्यावर असलेले पंतप्रधान नरेंद्र मोदी यांनी या हल्ल्याबद्दल तीव्र दुख: व्यक्त केले आहे. त्यांनी सोशल मीडियावर लिहिले, “मी जम्मू-कश्मीरमधील पहलगाम येथील दहशतवादी हल्ल्याचा तीव्र निषेध करतो. ज्यांनी आपल्या प्रियजनांना गमावले, त्यांच्याप्रती मी संवेदना व्यक्त करतो. जखमींच्या लवकर बरे होण्यासाठी मी प्रार्थना करतो. प्रभावितांना सर्वतोपरी मदत पुरवली जात आहे. या जघन्य कृत्यात सामील असलेल्यांना न्यायाच्या कठघऱ्यात आणले जाईल. दहशतवाद्यांचा नापाक हेतू कधीही यशस्वी होणार नाही.”

I strongly condemn the terror attack in Pahalgam, Jammu and Kashmir. Condolences to those who have lost their loved ones. I pray that the injured recover at the earliest. All possible assistance is being provided to those affected.

Those behind this heinous act will be brought…

— Narendra Modi (@narendramodi) April 22, 2025

प्रत्यक्षदर्शीचा खळबळजनक दावा: ‘नाव विचारून गोळ्या झाडल्या’
या हल्ल्याने संपूर्ण काश्मीर खोऱ्यात चिंतेचे वातावरण पसरले आहे. विशेषतः 3 जुलै 2025 पासून सुरू होणाऱ्या अमरनाथ यात्रेच्या पार्श्वभूमीवर, ज्याचा मुख्य तळ पहलगाम येथेच आहे, ही घटना गंभीर ठरते. प्रत्यक्षदर्शींनी सांगितले की, दहशतवाद्यांनी पीडितांचे नाव आणि धर्म विचारून गोळ्या झाडल्या. एका महिला प्रत्यक्षदर्शीने सांगितले, “एक दहशतवादी आला आणि त्याने नाव विचारले. ज्याला तो मुस्लिम वाटला नाही, त्याच्यावर गोळी झाडली.”

#WATCH | Jammu & Kashmir CM Omar Abdullah returns to Srinagar from Ramban, following terrorist attack on tourists in Pahalgam today pic.twitter.com/kWaDhgp2jZ

— ANI (@ANI) April 22, 2025

सुरक्षा यंत्रणांचे सर्च ऑपरेशन, हल्लेखोरांचा शोध सुरू
हल्ल्याची माहिती मिळताच भारतीय सैन्य, जम्मू-कश्मीर पोलीस, सीआरपीएफ आणि विशेष दळांनी संयुक्त सर्च ऑपरेशन सुरू केले आहे. सूत्रांनुसार, हल्लेखोर 2 ते 3 जण होते आणि काही जण पोलिसांच्या गणवेशात होते, ज्यामुळे ते पर्यटकांजवळ सहज पोहोचले. हल्ल्यामागील उद्देश पर्यटन आणि स्थानिक अर्थव्यवस्थेला खीळ घालणे असल्याची शक्यता आहे.

जम्मू-कश्मीर सरकार आणि केंद्र सरकारने या घटनेचा तीव्र निषेध केला असून, दहशतवाद्यांना कठोर शिक्षा करण्याचे आश्वासन दिले आहे. नागरिकांना सतर्क राहण्याचे आणि सुरक्षा यंत्रणांना सहकार्य करण्याचे आवाहन करण्यात आले आहे.