Karuna Sharma Munde । बीडच्या मस्साजोग गावचे सरपंच संतोष देशमुख यांच्या हत्येप्रकरणात धनजंय मुंडे यांचा जवळचा सहकारी असणारा वाल्मिक कराड हा मुख्य आरोपी आहे. दरम्यान, याच वाल्मिक कराडवर आणखी एक धक्कादायक आरोप धनंजय मुंडे यांच्या पत्नी करुणा शर्मा मुंडे यांनी केला आहे.

वाल्मिक कराडविषयी बोलताना करुणा मुंडे यांनी,” वाल्मिक कराड याने मला काही महिन्यांपूर्वी बाथरुमला येईपर्यंत मारलं होतं. पण आता तुरुंगात सडत आहे. तो आता आयुष्यभर तुरुंगातच सडणार आहे, असे वक्तव्य करुणा शर्मा मुंडे यांनी केले. वाल्मिक कराड हा दोन पैशांची किंमत नसलेला गुंड आहे. त्याने मला आठ महिन्यांपूर्वी मारले होते. मला बाथरुमला येईपर्यंत तो मला मारत होता.” असा गंभीर आरोप केला आहे.

लवकरच धनंजय मुंडेही तुरुंगात जातील Karuna Sharma Munde । 

पुढे करुणा मुंडे यांनी,”ते म्हणतात ना या राजकारण्यांनी न्याय केला नाही तर देव न्याय करेल. वाल्मिक कराड याने मला मारुन आठ महिनेही झाले नसतील आता तो जेलमध्ये सडतोय. त्याच्यासोबत लवकरच धनंजय मुंडेही  तुरुंगात जातील. कारण हे सगळं जे कटकारस्थान आहे, लोकांची जमीन हडपण्याचा प्रकार असो, महिलांवर अत्याचार करणे असो या सगळ्यांचे पुरावे मी देणार आहे. मी याविरोधात आझाद मैदानावर उपोषणाला बसणार आहे. मी मुख्यमंत्री देवेंद्र फडणवीस यांच्या भेटीची वेळही मागितली आहे,” असे करुणा मुंडे यांनी सांगितले.

करुण शर्मा मुंडे यांनी खासदार सुप्रिया सुळे यांची भेट घेतली. याबाबत सांगताना त्यांनी, “माझ्या गाडीत कशाप्रकारे रिव्हॉल्व्हर ठेवण्यात आली. तीन वर्षांसाठी पोलिसांचा गैरवापर करुन मला तुरुंगात टाकायचा प्रयत्न झाला. अजित पवार गटात भ्रष्ट मंत्री बसले आहेत. ते मला दाखवायचे आहे, याबाबत मी सुप्रिया सुळे यांना सांगितले. धनंजय मुंडे यांनी पुण्यातील ज्या लोकांची जमीन खाल्ली आहे, त्यांना घेऊन मी सुप्रिया सुळे यांच्याकडे गेले होते. सुप्रिया सुळे यांनी या सगळ्याचा पाठपुरावा करण्याचे आणि मला मदत करण्याचे आश्वासन दिल्याचे” करुणा मुंडे यांनी सांगितले.

शरद पवारांनी मला फोन करून बोलावले  Karuna Sharma Munde । 
धनंजय मुंडे यांचा राजीनामा आधीच झाला असता. कारण शरद पवारांनी मला 4 ते 5 वेळा फोन करून बोलवलं होतं. परंतु अजित पवारांनी काही तरी केलं आणि शरद पवार साहेबांनी मला वेळ दिला नाही, असा दावा करुणा मुंडे यांनी केला. यापूर्वी करूणा शर्मा यांनी मुख्यमंत्री देवेंद्र फडणवीस देखील धनंजय मुंडे यांना वाचवत असल्याचा दावा केला होता.