Entertainment – गेल्या वर्षी मुकेश भट्ट आणि भूषण कुमार यांनी ‘आशिकी’ फ्रँचायझीच्या तिसऱ्या भागात येणार असल्याची घोषणा केली यानंतर बॉलिवूड अभिनेता कार्तिक आर्यन मुख्य भूमिकेत दिसणार असल्याचे सांगण्यात आले. मात्र निर्मात्यांनी मुख्य अभिनेत्रीच्या नावाची घोषणा केली नाही आणि त्यानंतर अनेक अभिनेत्रींचे नाव या चित्रपटासाठी फायनल झाल्याचे चर्चेत आले. तेव्हापासून आतापर्यंत निर्माते कार्तिक आर्यनच्या विरूद्ध नवीन चेहऱ्याच्या शोधात व्यस्त आहेत. अशात कार्तिक आणि तारा सुतारियाचा व्हिडिओ व्हायरल झाल्यानंतर या चित्रपटात हे स्टार स्क्रीन शेअर करणार असल्याची चर्चा होत असते. चर्चा अशीही होती की निर्मात्यांनी ‘आशिकी 3’ मध्ये कार्तिक आर्यन सोबत बॉलिवूड अभिनेत्री तारा हिचे नाव फायनल केले. आता मुकेश भट्ट यांनी या बातम्यांवर मौन सोडले आहे. आशिकी 3 मधील तारा सुतारियाच्या कास्टिंगवर मुकेश भट्ट म्हणाले, ‘मी दर आठवड्याला एका नवीन अभिनेत्रीचे नाव ऐकतो. तारा सुतारियाच्या कास्टिंगमध्ये काहीही तथ्य नाही.या चित्रपटासाठी विचारही झालेला नाही. खरे सांगायचे तर, संगीत तयार होईपर्यंत अद्याप कोणीही अंतिम होणार नाही. या चित्रपटाची गाणी स्टार आहेत आणि कार्तिक आर्यन या चित्रपटाचा एक भाग आहे याचा आम्हाला आनंद आहे. संगीत तयार झाल्यानंतर उर्वरित गोष्टी सुरू केल्या जातील.
