नवी दिल्ली – राजस्थानमधील जयपूरमध्ये (Jaipur News) राष्ट्रीय राजपूत करणी सेनेचे (Karani Sena) अध्यक्ष सुखदेव सिंह गोगामेडी (Sukhadev Singh) यांच्यावर गोळ्या झाडण्यात आल्या आहेत. सुखदेव सिंग यांना रुग्णालयात दाखल करण्यात आले. जिथे त्यांची प्रकृती चिंताजनक होती. मात्र उपचारादरम्यान त्यांचा मृत्यू झाला. गोळीबार आणि खुनाच्या या घटनेनंतर आता शहरभरातील पोलीस अधिकाऱ्यांनी आरोपींचा शोध सुरू केला आहे. गोळीबाराच्या ठिकाणी शोधमोहीम सुरू करण्यात आली आहे. (Karani sena news)

जवळपास लावण्यात आलेल्या सीसीटीव्ही फुटेज आणि इतर माध्यमातून आरोपींपर्यंत पोहोचण्याचा पोलिसांचा प्रयत्न असल्याचे सांगण्यात येत आहे. काही वेळापूर्वी जयपूरच्या श्याम नगर भागात गोगामेडी यांच्या घराजवळ त्याच्यावर हल्ला करण्यात आला होता. या गोळीबाराच्या घटनेची माहिती सोशल मीडियावर पोहोचताच त्यांचे समर्थक मोठ्या प्रमाणात रुग्णालयात पोहोचू लागले. त्यामुळे तेथेही पोलिस बंदोबस्त ठेवण्यात आला आहे. या घटनेनंतर शहरातील वातावरण बिघडू नये यासाठी पोलिस अधिकाऱ्यांनी कारवाई सुरू केली आहे. या घटनेनंतर संपूर्ण शहरात खळबळ उडाली आहे. (Jaipur Crime)

सुखदेव सिंह गोगामेडी तेव्हा प्रसिद्धीझोतात आले जेव्हा त्यांनी पद्मावत चित्रपटाविरोधात संजय लीला भन्साळी यांच्याविरोधात निदर्शने केली होती. आणि देशभरात त्याचा निषेध केला. परिणामी चित्रपट निर्मात्याला चित्रपटाचे नाव बदलून ठेवावे लागले आणि त्यातील अनेक दृश्ये काढून टाकावी लागली होती.

यानंतर सुखदेव सिंह गोगामेडी राजपूत समाजातील तरुणांमध्ये खूप प्रसिद्ध चेहरा बनला. सुखदेव सिंह यांनी 2018 च्या निवडणुकीत भारतीय जनता पक्षाकडून भद्रामधून तिकीट मागितले होते, जे सुखदेव सिंह यांना मिळाले नाही. गेल्या अनेक वर्षांपासून सुखदेव सिंगचे लॉरेन्स बिश्नोई टोळीशी भांडण झाल्याच्या बातम्या येत होत्या.