Jaipur Bomb Threat ।  जयपूरच्या दोन मोठ्या हॉस्पिटलमध्ये रविवारी बॉम्ब असल्याची माहिती समोर आली आहे. बॉम्बची माहिती मिळताच मोठ्या संख्येने पोलिस राजधानीतील सीके बिर्ला आणि मोनिलेक हॉस्पिटलमध्ये पोहोचले आहेत. बॉम्बशोधक पथकही हजर आहे. रूग्णांना रूग्णालयातून बाहेर काढून त्यांची तपासणी केली जात आहे.

रूग्णांना रूग्णालयातून बाहेर काढले  Jaipur Bomb Threat । 

जयपूरच्या सीके बिर्ला आणि मोनिलेक हॉस्पिटलमध्ये बसची माहिती मिळताच पोलिसांचे पथक घटनास्थळी पोहोचले आणि श्वानपथकालाही पाचारण करण्यात आले. ही दोन्ही राजधानीची मोठी रुग्णालये असून तेथे रुग्ण आणि त्यांचे नातेवाईक मोठ्या संख्येने उपस्थित होते. रुग्णालय रिकामे करण्यात आले असून त्याची तपासणी करण्यात येत आहे. त्याचा व्हिडीओ समोर आला आहे ज्यामध्ये पोलिसांच्या गाड्यांव्यतिरिक्त, हॉस्पिटलमध्ये अग्निशमन दल देखील दिसत आहे ज्यांना आपत्कालीन परिस्थिती हाताळण्यासाठी पाचारण करण्यात आले आहे.

जयपुर के सीके बिरला और मोनीलेक हॉस्पिटल में बम की सूचना पर बड़ी संख्या में पहुंची पुलिस. बम स्क्वायड वहां मरीजो को बाहर निकाल कर रहा है जांच @BhajanlalBjp @abplive pic.twitter.com/swl1p0s6Id

— Santosh kumar Pandey (@PandeyKumar313) August 18, 2024

गेल्या काही महिन्यांपासून सातत्याने बॉम्बच्या धमक्या  Jaipur Bomb Threat । 
गेल्या काही महिन्यांपासून देशातील विविध राज्यांतून बॉम्बच्या अफवा पसरत आहेत. सर्वप्रथम, दिल्ली आणि एनसीआरमधील अनेक मोठ्या शाळांमध्ये बॉम्ब असल्याची अफवा पसरवण्यात आली. यानंतर मुंबईतील बेस्टच्या बसेसमध्ये बॉम्ब असल्याची माहिती सुरक्षा यंत्रणांना पाठवण्यात आली होती. अशा अफवा पसरवणे ही काही नवीन गोष्ट नाही पण अलीकडच्या काळात ती खूप वाढली आहे आणि दर महिन्याला कोणत्या ना कोणत्या राज्यात असे फसवे कॉल येतात. कधी मॉल्समध्ये तर कधी हॉस्पिटलमध्ये बॉम्ब असल्याच्या बातम्या येतात, तेव्हा ते सर्व खोटे ठरतात; अशा अफवांमुळे सर्वसामान्यांना त्रासाला सामोरे जावे लागत आहे. असे खोटे ईमेल वारंवार कोण पाठवत आहेत, हा मोठा तपासाचा विषय आहे.