Karnataka Renames Bangalore University: बेंगळुरू सिटी विद्यापीठाचे नाव डॉ. मनमोहन सिंग यांच्या नावावर केले जाईल, अशी घोषणा कर्नाटकचे मुख्यमंत्री सिद्धरामय्या यांनी गुरुवारी राज्य विधानसभेत त्यांच्या अर्थसंकल्पीय भाषणात केली आहे. डॉ.मनमोहन सिंग यांच्या नावाने ओळखले जाणारे हे देशातील पहिले विद्यापीठ असेल. माजी पंतप्रधान मनमोहन सिंग यांचे 26 डिसेंबर 2024 रोजी निधन झाले होते.

बेंगळुरू सिटी युनिव्हर्सिटी पूर्वी बेंगळुरू सेंट्रल युनिव्हर्सिटी म्हणून ओळखली जात होती. हे बेंगळुरूमधील एक राज्य विद्यापीठ आहे. त्याची स्थापना 2017 मध्ये झाली होती. त्यानंतर 2020 मध्ये त्याचे नाव बदलले गेले. यानंतर त्याच्या नावात पुन्हा एकदा बदल करण्यात येणार आहे. हे विद्यापीठ आता मनमोहन सिंग यांच्या नावाने ओळखले जाणार आहे. या संस्थेला देशातील मॉडेल युनिव्हर्सिटीमध्ये रूपांतरित करण्याच्या उद्देशाने हे पाऊल उचलण्यात आल्याचे सांगण्यात आले आहे.

मनमोहन सिंग हे भारताचे 13 वे पंतप्रधान होते –

भारताचे 13 वे पंतप्रधान डॉ. मनमोहन सिंग हे आर्थिक उदारीकरण आणि आर्थिक सुधारणांमधील त्यांच्या भूमिकेसाठी ओळखले जातात. आधुनिक भारताच्या अर्थव्यवस्थेला आकार देण्यात त्यांनी विशेष भूमिका बजावली. शिक्षण, अर्थव्यवस्था आणि प्रशासनातील त्यांचे योगदान सर्वत्र ओळखले गेले आणि विद्यापीठाचे नाव बदलण्याचा कर्नाटकचा निर्णय त्यांना श्रद्धांजली म्हणून पाहिला जात आहे.