Karnataka  ।  कर्नाटकातील बेंगळुरूमध्ये एका 5 वर्षाच्या मुलाच्या उत्सवाचे काही क्षणातच शोकात रूपांतर झाले. वाढदिवसाचा केक खाल्ल्यानंतर काही वेळातच मुलाचा मृत्यू झाला, तर त्याच्या पालकांची प्रकृती खालावली. त्यांना रुग्णालयात दाखल करण्यात आले आहे.

डॉक्टरांच्या म्हणण्यानुसार, या दोघांनाही डॉक्टरांच्या बारीक देखरेखीखाली आयसीयूमध्ये दाखल करण्यात आले आहे. घटनेची माहिती मिळताच पोलिसांनी घटनास्थळ गाठून प्रकरणाचा तपास सुरू केला. मुलाच्या आई-वडिलांनी स्विगीवर वाढदिवसाचा केक मागवला होता, असे कळते.

अशात पोलिसांनी स्विगी आणि केक बनवणाऱ्या बेकरीविरोधात गुन्हा दाखल केला आहे. ही घटना बेंगळुरूच्या केपी अग्रहारा पोलीस स्टेशन परिसरातील इंटीलीपाडी येथे घडली. इथे राहणाऱ्या पाच वर्षाच्या मुलाचा वाढदिवस होता.म्हणून त्याच्या पालकांनी स्विगीवर केक ऑर्डर केला आणि काही वेळाने डिलिव्हरी बॉयनेही केक डिलिव्हरी केला. यानंतर संपूर्ण कुटुंबाने मुलाचा वाढदिवस साजरा केला आणि फुगे फोडत केक खाल्ला. केक खाल्ल्यानंतर काही वेळातच मुलाची प्रकृती ढासळू लागली.

पालकांना आयसीयूमध्ये दाखल केले
अशात कुटुंबीयांनी त्यांना रुग्णालयात नेले. दरम्यान, पालकांची प्रकृतीही ढासळली. त्याची प्रकृती पाहून डॉक्टरांनी त्याला तात्काळ आयसीयूमध्ये दाखल केले आणि लक्षणांनुसार उपचार सुरू केले. दरम्यान मुलाचा मृत्यू झाला. डॉक्टरांच्या म्हणण्यानुसार मुलाच्या आई-वडिलांची प्रकृती बिघडली होती, मात्र सध्या त्यांची प्रकृती स्थिर आहे. त्यांना फक्त आयसीयूमध्ये ठेवण्यात आले आहे.

पोलिसांनी केकचा नमुना घेतला
माहिती मिळताच पोलिसांनी घटनास्थळ गाठून घटनेच्या कारणाचा शोध घेतला. दरम्यान, मुलाच्या पालकांकडून संपूर्ण माहिती घेतल्यानंतर पोलिसांनी केक बनवणाऱ्या बेकरी आणि स्विगी यांना नोटीस बजावली आहे. पोलिसांनी दिलेल्या माहितीनुसार, या प्रकरणाचा तपास सुरू आहे. यासोबतच केकचा नमुना फॉरेन्सिक लॅबमध्येही पाठवण्यात आला आहे. या घटनेची माहिती  परिसरात खळबळ उडाली आहे.
० ० ० ० ० ० ० ० ० ०