Breaking News : कर्नाटकच्या मुख्यमंत्रीपदाचा सस्पेन्स संपला आहे.  सिद्धरामय्या आज मुख्यमंत्रीपदाचा राजीनामा देणार आहेत. ते दुपारी ३ वाजता राज्यपालांच्या कार्यालयात आपला राजीनामा सादर करणार असल्याचे सांगण्यात येत आहे.

समोर आलेल्या माहितीनुसार, सिद्धरामय्या यांनी मंत्र्यांना आज सकाळी बोलताना, काँग्रेसच्या हायकमांडने त्यांना आपल्या पदावरून पायउतार होऊन राष्ट्रीय राजकारणात प्रवेश करण्यास सांगितले होते, त्यामुळेच त्यांनी राजीनामा देण्याचा निर्णय घेतला आहे.” अशी माहिती दिली.

आज सकाळी, बंगळूरु  याठिकाणी मुख्यमंत्र्यांच्या निवासस्थानी नाश्त्याच्या बैठकीदरम्यान सिद्धरामय्या आणि डी. के. शिवकुमार यांनी एकमेकांना आलिंगन दिले. उपमुख्यमंत्री डी. के. शिवकुमार यांनीही मुख्यमंत्री सिद्धरामय्या यांच्या पाय पडताना देखील दिसले.  (Breaking News)

 

Karnataka CM and Deputy CM, Siddaramaiah and DK Shivakumar, respectively, share a hug at the CM residence in Bengaluru at the breakfast meeting. Deputy CM DK Shivakumar also touched the feet of CM Siddaramaiah.

(Pics: CMO Karnataka) pic.twitter.com/qIATmAwj8a

— ANI (@ANI) May 28, 2026

दरम्यान, कर्नाटकचे मुख्यमंत्री सिद्धरामय्या यांच्या संभाव्य राजीनाम्याभोवतीच्या वाढत्या राजकीय घडामोडींच्या पार्श्वभूमीवर, राज्यपाल थावरचंद गेहलोत यांच्या बंगळूरुमधून निघून जाण्याने राज्यातील राजकीय पटलावर चर्चांना उधाण आले आहे. मात्र, काँग्रेसच्या सूत्रांनी, राज्यपालांच्या अनुपस्थितीचा राजीनामा प्रक्रियेवर परिणाम होणार नाही आणि सिद्धरामय्या गुरुवारी दुपारी ३ वाजता ठरल्याप्रमाणे आपला राजीनामा सादर करतील.” असे सांगितले.  (Breaking News)

 

प्राप्त माहितीनुसार, सिद्धरामय्या यांनी बुधवारी राज्यपालांच्या भेटीची वेळ मागितली होती. त्याला प्रतिसाद म्हणून, राज्यपालांनी गुरुवारी सकाळी ११:३० वाजता किंवा दुपारी ३ नंतर त्यांना भेटण्यास सहमती दर्शवल्याचे वृत्त आहे.

दरम्यान, लोक भवनच्या अधिकाऱ्यांनी सांगितले की, राज्यपाल गेहलोत सध्या मध्य प्रदेशातील त्यांच्या मूळ गावी इंदूर येथे आहेत. मुख्यमंत्र्यांनी राज्यपालांच्या भेटीची वेळ मागितली आहे का, असे विचारले असता, लोक भवनच्या एका वरिष्ठ अधिकाऱ्याने याविषयी माहिती देताना, “राज्यपाल येथे नाहीत. याबाबत कोणतीही माहिती नाही. अद्याप असा कोणताही संदेश किंवा माहिती आलेली नाही.” त्यांच्या मते, राज्यपाल परतल्यानंतर केवळ सिद्धरामय्याच त्यांना भेटू शकतील.