Anushka and Nikhil Chavan Wedding:  ‘कारभारी लयभारी’ या लोकप्रिय मालिकेतील जोडी लवकरच विवाह बंधनात अडकणार आहे. अभिनेत्री अनुष्का सरकटे आणि निखिल चव्हाण यांच्या घरी लग्नाची लगबग सुरु आहे. ऑनस्क्रीन जोडी आता खऱ्या आयुष्यातही एकत्र येत आहे. येत्या २४ जून रोजी दोघं लग्नबंधनात अडकणार आहेत. आता दोघांच्या लग्नापूर्वीच्या विधींना, सोहळ्यांना सुरुवात झाली असून, याचे फोटो समोर आले आहेत.

नुकताच अनुष्काचा मेहंदी सोहळा पार पडला. मेहंदीसाठी अनुष्काने खास लूक केला होता. तिने निळ्या रंगाचा घागरा परिधान केला आहे. डिझायनर ब्लाउज, मल्टीकलर्ड लेहेंगा, गळ्यात-कानात दागिने असा तिचा लूक आहे. दोन्ही हातांवर मेहंदी काढतानाचे तिचे फोटो लक्ष वेधून घेत आहेत. Anushka and Nikhil Chavan Wedding

या सोहळ्यासाठी बॅकग्राउंडला फुलांची सुंदर सजावट केली आहे. दुसऱ्या फोटोत तिच्याभोवती मैत्रिणी दिसत आहे. तर आणखी एका फोटोत ती वडिलांसोबत दिसत आहे. वडिलांनी तिला मिठीत घेतलं आहे. अत्यंत भावुक करणारा असा हा फोटो आहे. ‘मी स्वप्न पाहतीये का?’ असं कॅप्शन तिने दिलं आहे. मेंहदी काढतानाचा अनुष्काचा लूक आणि तिच्या चेहऱ्यावरील लग्नाचा आनंद चाहत्यांचं विशेष लक्ष वेधून घेत आहे.

हा सोहळा अत्यंत खाजगी आणि कौटुंबिक वातावरणात पार पडला. यावेळी अनुष्का आणि निखिलचे कुटुंबीय, नातेवाईक आणि मनोरंजन क्षेत्रातील काही जवळचे मित्रमंडळी उपस्थित होते.अनुष्काच्या या फोटोंवर अनेक कलाकारांनी कमेंट करत तिच्यावर शुभेच्छांचा वर्षाव केला आहे. अनुष्का आणि निखिलने काही दिवसांपूर्वी सोशल मिडियावर साखरपुड्याचे फोटो शेअर करत चाहत्यांना सुखद धक्का दिला होता. Anushka and Nikhil Chavan Wedding

हेही वाचा: 

Trump on Sri Lanka: आता अमेरिकेचे लक्ष श्रीलंकेवर ; दोन वरिष्ठ अधिकारी दौऱ्यावर जाण्यामागे नेमका प्लॅन काय?