मुंबई – अभिनेत्री कंगना राणावत सध्या एकामागून एक चित्रपटांमुळे चर्चेत आहे. आता कंगनाचा ‘तेजस’ हा चित्रपट लवकरच चित्रपटगृहात दाखल होणार आहे. चित्रपटाची रिलीज डेट आली आहे. हा चित्रपट 20 ऑक्टोबरला प्रदर्शित होणार आहे. या चित्रपटात कंगना  राणावत मुख्य भूमिकेत आहे. ती एअरफोर्स ऑफिसर झाली असून तिचा या लूकमधील फोटो सोशल मीडियावर व्हायरल होत आहे.

Get ready for an adrenaline filled adventure! #Tejas, starring @KanganaTeam is ready to take off on 20th October in a cinema near you! 🇮🇳 ✈️ @sarveshmewara1 @varunmitra19 @anshul14chauhan @RonnieScrewvala #RSVPMovies pic.twitter.com/mdpKKTF6Ez

— RSVP (@RSVPMovies) July 5, 2023

 

या चित्रपटाची निर्मिती रॉनी स्क्रूवाला यांच्या प्रॉडक्शन हाऊस आरएसव्हीपीच्या बॅनरखाली झाली आहे. या चित्रपटाची घोषणा झाल्यापासून प्रेक्षकांमध्ये प्रचंड खळबळ उडाली होती. आता या चित्रपटाच्या प्रदर्शनाची तारीख अधिकृतपणे जाहीर करण्यात आली आहे. ‘तेजस’च्या टीमने पुष्टी केली आहे की हा चित्रपट 20 ऑक्टोबर रोजी देशभरात प्रदर्शित होणार आहे.

या चित्रपटाची कथा एअरफोर्स पायलट ‘तेजस गिल’ भोवती फिरते. वाटेत अनेक आव्हानांना तोंड देत आपल्या देशाचे रक्षण करणार्‍या शूर सैनिकांना प्रेरणा आणि अभिमानाची भावना जागृत करणे हा यामागचा उद्देश आहे. सर्वेश मेवाडा यांनी या चित्रपटाचे लेखन आणि दिग्दर्शन केले आहे.

कंगनाकडे सध्या इतरही चित्रपट आहेत. ती ‘चंद्रमुखी 2’ आणि ‘इमर्जन्सी’मध्येही दिसणार आहे. त्याचा ‘इमर्जन्सी’ हा चित्रपट २४ नोव्हेंबरला प्रदर्शित होत आहे. या चित्रपटात कंगना माजी पंतप्रधान इंदिरा गांधी यांची भूमिका साकारणार आहे.