Kamal Hasana । प्रभास, दीपिका पदुकोण, अमिताभ बच्चन आणि कमल हासन स्टारर चित्रपट ‘कल्की 2898 एडी’ 27 जून रोजी रिलीज झाला आहे. या चित्रपटाला समीक्षक आणि प्रेक्षकांचा चांगला प्रतिसाद मिळत आहे. ‘कल्की 2898 एडी’मध्ये खलनायकाच्या भूमिकेसाठी कमल हसनचे कौतुक होत आहे. मात्र, कमल हसनला चित्रपटात कमी स्क्रिन टाइम दिल्याची चर्चा सध्या होत आहे. या चर्चांवर चित्रपट प्रदर्शित झाल्यानंतर अभिनेत्याने कमी स्क्रीन वेळेबद्दल आपले मौन तोडले आहे.

कमल हसनने ‘कल्की 2898 एडी’ मधील त्याच्या व्यक्तिरेखेबद्दल सांगितले. कमी स्क्रीन टाइमबद्दल तो म्हणाला,’मी ‘कल्की 2898 एडी’ मध्ये छोटी भूमिका केली आहे. जे काही मिनिटांसाठीच दिसतं. चित्रपटातील माझा खरा भाग नुकताच सुरू झाला आहे. मला दुसऱ्या भागात अजून बरेच काही करायचे आहे. त्यामुळे हा चित्रपट मी एक चाहता म्हणून पाहिला आणि मला आश्चर्य वाटले.’

कमल हसनने नाग अश्विनचे कौतुक केले. ते म्हणाले चित्रपटात काम केल्यानंतर मला जाणवले की हिंदी चित्रपट जागतिक मनोरंजनाकडे वाटचाल करत आहे. ‘कल्की 2898 AD’ त्यापैकी एक आहे. नाग अश्विन यांनी कोणताही धार्मिक पक्षपात न करता पौराणिक कथांचा विषय काळजीपूर्वक हाताळला आहे. जगातील केवळ जपान, चीन आणि ग्रीक संस्कृतीच कथाकथनाच्या भारतीय वारशाच्या जवळ येऊ शकतात. अश्विनने तिथूनच कथा निवडल्या आहे.

कमल हासनच्या पुढच्या प्रोजेक्टबद्दल बोलायचे झाले तर, त्याचा पुढचा चित्रपट ‘हिंदुस्थानी 2’ 12 जुलै रोजी थिएटरमध्ये येत आहे. चित्रपटाबाबत तो म्हणाला,  ‘भ्रष्टाचाराविरुद्ध लढण्यासाठी ते काय करू शकतात हा प्रश्न त्यांनी नव्या चित्रपटात जनतेसमोर सोडला आहे. सिद्धार्थ, काजल अग्रवाल आणि रकुल प्रीत सिंग या कलाकारांनी कमल हासनसोबत ‘हिंदुस्थानी 2′ मध्ये काम केले आहे.’