Amitabh Bachchan : कल्की २८९८ एडी या चित्रपटाच्या दुसऱ्या भागाची चर्चा आहे. या चित्रपटात बॅालीवूडमधील बिग बी अर्थात अमिताभ बच्चन यांनी महत्वाची भूमिका साकारली होती. अश्वत्थामाच्या भूमिकेत ते दिसले होते. या भूमिकेसाठी अमिताभ बच्चन यांची मोठी प्रशंसा प्रेक्षकांनी केली होती. नुकतेच सोशल मीडियावर काही फोटो व्हायरल झाले असून, यामुळे दुसऱ्या भागाच्या शुटिंगला सुरूवात झाली असल्याची चर्चा रंगली आहे. अमिताभ बच्चन यांनी सोशल मीडिया अकाऊंटवरून काही फोटो शेअर केले आहेत. या फोटोत अभिनेते कमल हासन देखील दिसत आहेत. हे सर्व फोटो चित्रपटाच्या शूटिंगच्या सेटवरचे असल्याचे सांगितले जात आहे. १२३ तेलुगू वृत्तानुसार, अमिताभ बच्चन यांनी चित्रपटातील त्यांच्या भागाचे चित्रीकरण पूर्ण केले आहे आणि ते मुंबईला रवाना झाले आहेत. तसेच ते इतर अजून चित्रपटाच्या चित्रीकरणात व्यस्त आहेत, असा दावा करण्यात आला आहे. दरम्यान, अमिताभ बच्चन यांनी त्यांच्या ब्लॉगवर लिहिले, “घर हे घर आहे. ते भावनांनी भरलेले आहे. घर म्हणजे फक्त भिंती आणि छताची रचना नाही. ते आराम, आपलेपणा आणि सुरक्षिततेचे ठिकाण आहे.” त्यांनी पुढे लिहिले की ते “कल्की २” च्या शूटिंगसाठी हैदराबादमध्ये आलो होतो. मात्र, कल्कीच्या दुसऱ्या भागाच्या शुटिंगला सुरुवात झाल्याचे अधिकृतपणे सांगण्यात आलेले नाही. “कल्की २८९८ एडी” च्या पहिल्या भागात अमिताभ बच्चन यांनी शक्तिशाली आणि रहस्यमय अश्वत्थामाची भूमिका केली होती. या भूमिकेचे विशेष कौतुक प्रेक्षकांनी केले. या चित्रपटात कमल हासन, प्रभास, दीपिका पदुकोण आणि दिशा पटानी यांनी देखील लक्ष वेधक भूमिका साकारल्या आहेत. दुसऱ्या भागात नेमकं काय दाखवण्यात येणार याची उत्सुकता चाहत्यांना लागली आहे. हेही वाचा : The Kerala Story 2 Box Office : पहिल्या दिवशी सौम्य प्रतिसाद, दुसऱ्या दिवशी मोठी वाढ! The Kerala Story 2 चे बॅाक्स अॅाफिस कलेक्शन किती?
