Jyoti Waghmare : शिवसेना खासदार डॉ. ज्योती वाघमारे यांच्यावर केंद्र सरकारने महत्त्वाची जबाबदारी सोपवली आहे. केंद्रीय महिला व बालविकास मंत्रालयाच्या महत्त्वाच्या सल्लागार समितीवर सदस्य म्हणून त्यांची नियुक्ती करण्यात आली आहे. (Jyoti Waghmare)

केंद्रीय संसदीय कार्य मंत्रालयाने अधिसूचनेद्वारे ही नियुक्ती जाहीर केली आहे. नियुक्तीनंतर उपमुख्यमंत्री आणि शिवसेनेचे मुख्य नेते एकनाथ शिंदे यांनी डॉ. वाघमारे यांना नियुक्तीचे पत्र देत त्यांचे अभिनंदन केले. (Jyoti Waghmare)

अवघ्या एका अधिवेशनानंतर मोठी जबाबदारी

डॉ. ज्योती वाघमारे यांनी संसदेत केलेल्या कामगिरीची दखल घेत त्यांना देशपातळीवर काम करण्याची संधी मिळाल्याचे सांगितले जात आहे. शिवसेनेच्या प्रवक्त्या म्हणूनही त्यांनी पक्षाची भूमिका प्रभावीपणे मांडली आहे. (Jyoti Waghmare)

काही महिन्यांपूर्वी झालेल्या राज्यसभा निवडणुकीत शिवसेनेकडून त्यांची बिनविरोध निवड झाली होती. सोलापूरमधील सर्वसामान्य कुटुंबातून आणि कोणताही राजकीय वारसा नसताना त्यांनी राजकारणात स्वतःची ओळख निर्माण केली. (Jyoti Waghmare)

शिंदेंच्या निर्णयाची पुन्हा चर्चा

ज्योती वाघमारे यांना राज्यसभेवर पाठवण्याचा निर्णय एकनाथ शिंदे यांनी घेतला होता. त्यावेळीही या निर्णयाची राज्याच्या राजकीय वर्तुळात चर्चा झाली होती. आता केंद्राच्या महत्त्वाच्या समितीवर नियुक्ती झाल्याने त्यांच्या राजकीय कारकिर्दीला आणखी बळ मिळाल्याचे मानले जात आहे. (Jyoti Waghmare)

Jyoti Waghmare : एकनाथ शिंदेंचं धक्कातंत्र! दिग्गजांचा पत्ता कट, शिवसेनेकडून नवीन चेहऱ्याला राज्यसभेची उमेदवारी; कोण आहेत ज्योती वाघामारे?

Jyoti Waghmare: “तुमच्यासारखी घराणेशाहीतून आलेली माणसं…”; ज्योती वाघमारे यांचे सुप्रिया सुळेंना प्रत्युत्तर