Junnar News : जुन्नर (Junnar News) आणि परिसरात बनावट विदेशी मद्याची वाहतूक आणि साठा करणाऱ्या एका रॅकेटचा राज्य उत्पादन शुल्क विभागाने पर्दाफाश केला आहे. या कारवाईत एका मुख्य आरोपीसह त्याला रिकाम्या बाटल्या पुरवणाऱ्या भंगार विक्रेत्यालाही अटक करण्यात आली आहे.

उत्पादन शुल्क विभागाच्या नारायणगाव पथकाने या कारवाईत बनावट दारू, रिकाम्या बाटल्या, बुचे आणि एक वॅगनआर कार असा एकूण ४ लाख ५० हजार रुपयांचा मुद्देमाल जप्त केला आहे. याप्रकरणी गोविंद शंकर जाधव (रा. निरगुडे, ता. जुन्नर, जि. पुणे) असे अटक करण्यात (Junnar News) आलेल्या मुख्य आरोपीचे नाव आहे.

गुप्त माहितीच्या आधारे गणेशखिंड रोडवर सापळा  (Junnar News)

राज्य उत्पादन शुल्क विभागाचे आयुक्त डॉ. राजेंद्र देशमुख, सहआयुक्त प्रसाद सुर्वे, विभागीय उपआयुक्त सागर धोमकर आणि अधीक्षक अतुल कानडे यांच्या आदेशानुसार, ३० मे रोजी नारायणगाव विभागाचे पथक अवैध मद्य विरोधी गस्त घालत होते. यावेळी जुन्नर-गणेशखिंड रोडने एका कारमधून बनावट दारूची वाहतूक होणार असल्याची गुप्त माहिती पथकाला मिळाली.

मिळालेल्या माहितीनुसार, अधिकाऱ्यांनी गणेशखिंड रोडवर सापळा रचला. जुन्नरकडून येणारी संशयास्पद वॅगनआर कार (क्र. MH 01 AX 2884) थांबवून पंचांसमक्ष तिची झडती घेतली असता, त्यात चंदीगड राज्य निर्मितीचे लेबल असलेला बनावट विदेशी मद्याचा साठा आढळला.

शिरोली खुर्द येथील अड्ड्यावर छापा

आरोपी गोविंद जाधव याला ताब्यात घेऊन त्याची कसून चौकशी केली असता, त्याने शिरोली खुर्द येथील त्याच्या तळाची माहिती दिली. उत्पादन शुल्क विभागाने तात्काळ शिरोली खुर्द येथे छापा टाकला. या छाप्यात बनावट दारू तयार करण्याचे साहित्य आणि मोठा साठा जप्त करण्यात आला.

जप्त करण्यात आलेला मुद्देमाल

इम्पिरियल ब्लू व्हिस्की: १८० मिलीच्या ६० सीलबंद बनावट बाटल्या (बनावट बुचे व लेबलसह).
रॉयल स्टॅग व्हिस्की: १८० मिलीच्या १७३ सीलबंद बनावट बाटल्या.
युके नं. १ व्हिस्की (चंदीगड राज्य निर्मित): ७५० मिलीच्या ९६ सीलबंद बनावट बाटल्या.
मोठ्या प्रमाणावर बनावट बुचे, लेबल्स आणि रिकाम्या बाटल्या.
एक वॅगनआर कार आणि वनप्लस कंपनीचा मोबाईल.

आरोपीची येरवडा कारागृहात रवानगी; भंगारविक्रेताही गजाआड

आरोपी गोविंद जाधव याच्याविरुद्ध महाराष्ट्र दारूबंदी कायदा १९४९ आणि भारतीय न्याय संहिता-२०२३ (BNS) च्या कलम १२३ अन्वये गुन्हा दाखल करण्यात आला आहे. न्यायालयाने आरोपीला सुरुवातीला दोन दिवसांची (Junnar News) पोलीस कोठडी आणि नंतर १४ दिवसांची न्यायालयीन कोठडी सुनावल्याने त्याची रवानगी येरवडा मध्यवर्ती कारागृहात करण्यात आली आहे.विशेष म्हणजे, आरोपीला बनावट दारू भरण्यासाठी रिकाम्या बाटल्या पुरवणाऱ्या भंगारविक्रेत्याचा शोध घेऊन त्यालाही पोलिसांनी बेड्या ठोकल्या आहेत.

कारवाई करणारे पथक

पुण्याचे अधीक्षक आणि शिरूर विभागाच्या उप-अधीक्षकांच्या मार्गदर्शनाखाली नारायणगावचे निरीक्षक शरद जाधव, दुय्यम निरीक्षक सौरभ आवटे, समृद्धी निकम, सहाय्यक दुय्यम निरीक्षक दयानंद माने तसेच जवान निलेश केदार, दिलीप केकरे, प्रियांका झांज आणि गणेश वाव्हळ यांच्या पथकाने ही यशस्वी कारवाई केली. या गुन्ह्याचा पुढील तपास दुय्यम निरीक्षक सौरभ आवटे करत आहेत.