पुणे – बेलेफिल्ड, जर्मनी येथे 1 व 2 ऑक्टोबर 2023 रोजी झालेल्या ज्युनिअर मेंटल कॅल्क्युलेशन वर्ल्ड कप 2023 स्पर्धेत पुण्यातील 11 वर्षीय वीर बागी याने रौप्यपदक तर 12 वर्षीय स्वानंद भोरे याने चौथ्या स्थानी विजय मिळविला. पुण्यामधून भारताचे प्रतिनिधित्व करण्यासाठी चार विद्यार्थ्यांनी सहभाग घेतला होता. या स्पर्धेत भारतासह इंग्लंड ,नेदरलँड , चेक रिपब्लिक ,दक्षिण आफ्रिका ,हंगेरी ,सैबेरिया ,संयुक्त अरब अमिराती यांसह अन्य देशातील 80 स्पर्धक सहभागी झाले होते.

वीर बागी (बिशप स्कूल ,कॅम्प) स्वानंद भोरे (मनसुखभाई कोठारी नॅशनल स्कूल), मिहिका बोले (कॅमल स्कूल ,उंड्री), आश्रय बागी (बिशप स्कूल ,कॅम्प) ह्या 8 ते 13 वयोगटातील विद्यार्थ्यांनी मेंटल मॅथ च्या वर्ल्ड चॅम्पियनशिप मध्ये भाग घेतला होता . अशा पद्धतीने जागतिक नकाशावर येणे हे निश्चितच सर्व पुणेकरांसाठी गर्वाची बाब आहे. वापी येथील जागतिक स्तरावरील नामांकित प्रशिक्षक युजेबियस नोरोन्हा यांचे मार्गदर्शन आणि पुण्यामधील हडपसर येथे जिनियस कीड अचिवर्स अकॅडमी मध्ये  आनंद महाजन व मोनिता महाजन मॅडम यांच्या प्रशिक्षणाखाली सर्व स्पर्धकांची तयारी करून घेण्यात आली होती.

या स्पर्धेत निवड होण्याकरिता जर्मनीच्या या गणिती फेडरेशन ला अर्ज करताना स्पर्धकाच्या गुणवत्तेविषयी पूर्ण माहिती द्यावी लागते व या गणित ‘ विषयाची माझी जिज्ञासा ‘ विषयावर निबंध लिहून सबमिट करायचा असतो. फेडरेशनचे अधिकारी सर्व अर्जांची तपासणी फक्त करून फक्त 80 ते 90 पदकांची निवड करतात .म्हणजेच जगातील सर्व चांगल्या गणितज्ञांची निवड करून त्यांची चुरस या स्पर्धेत लावली जाते म्हणजेच जगातील सर्वश्रेष्ठ गणितज्ञ निवडण्यासाठी ही स्पर्धा एक उत्कृष्ट मानबिंदू ठरलेली आहे.

स्पर्धेची तयारी – मुलांना वेगवेगळ्या गणिती विषयक सॉफ्टवेअर्स वर प्रशिक्षण दिले जायचे व मुलांचा रोज 4 ते 6 तास सराव केला जातो.

स्पर्धेची आखणी – अवघ्या दोन तासांच्या कालावधीत मुलांना 28 पानांची प्रश्नपत्रिका सोडविणे . गणित विषयातील 24 क्लिष्ट विषय प्रकारांचा समावेश असून 2500 गुणांचा प्रश्नपत्रिका होती. सर्व स्पर्धकांनी केवळ अंतिम उत्तरे देत कागदावरील सर्व प्रश्न सोडवणे आवश्यक असते, याचा अर्थ कोणत्याही मध्यवर्ती चरणांची गणना करण्याची परवानगी नाही फक्त प्रश्नाचे उत्तर लिहिणे अपेक्षित असते व रफ वर किंवा कुठल्याही कागदावर चेकिंग करणे अलाउड नसते.

या स्पर्धेमध्ये येणारी उदाहरणे खालील प्रमाणे होती – उदा . दोन 6 अंकी संख्यांचा गुणाकार ,1600 ते 2100 या वर्षांमधील कोणत्याही तारखेसाठी आठवड्यांचा दिवस ठरवणे, तीन अचूक दशांश बिंदूपर्यंत पाच व सहा अंकी संख्येचे अपूर्ण वर्गमूळ काढणे, सहा अंकी ( लाखांपासून )ते नऊ अंकी (करोडों पर्यंत )संख्येचे वर्गमूळ काढणे, करन्सी कन्वर्जन करणे चार अंकी संख्यांचे मूळ अवयव काढणे, लाखांमधल्या पाच अंकी 5संख्यांची बेरीज व वजाबाकी झटपट करणे ,सहा अंकी संख्येला तीन अंकी संख्येने भागणे ,करोडों मधल्या अंकांचे घनमूळ काढणे,कोणत्याही तीन अंकी संख्येच्या वर्ग संख्यांची बेरीज करणे इत्यादी क्लिष्ट गणितांचा समावेश होता.