CJP News : सीजेपीचे प्रमुख नेते अभिजीत दिपके, आशुतोष रांका आणि सौरभ दास यांना शनिवारी प्रतिबंधात्मक अटक करण्यात आली. त्यांची रविवारी सकाळी सशर्त सुटका करण्यात आली. सीजेपीच्या नेत्यांना वर्षभर शांतता भंग न करण्याच्या अटीवर सोडण्यात आले. (CJP News)

दिपके, रांका आणि दास शनिवारी आंदोलनासाठी मुंबईहून दिल्लीत दाखल झाले. दिल्ली विमानतळावर आधीच पोहचलेल्या पोलिसांनी त्यांना विमानातच ताब्यात घेतले. त्यानंतर त्यांच्यावर प्रतिबंधात्मक अटकेची कारवाई करण्यात आली. (CJP News)

त्यांना रविवारी कार्यकारी दंडाधिकाऱ्यांसमोर हजर करण्यात आले. त्यानंतर सीजेपीच्या नेत्यांची सशर्त सुटका झाली. त्या घडामोडीचे सीजेपीकडून स्वागत करण्यात आले. दिल्ली पोलिसांनी सुमारे २४ तास दिपके, रांका आणि दास यांना बेकायदेशीरपणे ताब्यात ठेवले. त्यांची सुटका मोठा कायदेशीर विजय आहे, अशी प्रतिक्रिया सीजेपीने दिली. (CJP News)

CJP protest: ‘ना बॅरिकेडिंग, ना इंटरनेट बंदी…’ ; CJPच्या आंदोलनावरून सर्वोच्च न्यायालयाचा दिल्ली पोलिसांना दणका