Joe Kent Resigns : अमेरिकेच्या नॅशनल काऊंटर टेरेरिझम सेंटरचे संचालक जो केंट यांनी आपल्या पदाचा राजीनामा (Joe Kent Resigns) दिला आहे. ट्रम्प प्रशासनाने इराणमध्ये सुरू केलेल्या कारवाईचे आपण समर्थन करू शकत नाही, असे कारण त्यांनी दिले आहे. आपल्या राजीनाम्याची घोषणा केंट यांनी सोशल मीडियावरच्या एका पोस्टमधून केली आहे. इराणचा आपल्या देशाला कोणताही थेट धोका संभवत नाही. अमेरिकेने हे युद्ध इस्रायल आणि अमेरिकेतल्या ताकदवान गटांच्या दबावाखाली सुरू केले आहे, हे उघड आहे, असे त्यांनी म्हटले आहे. केंट (Joe Kent Resigns) यांनी इतक्या स्पष्टपणे इराण युद्धाबाबतची आपली नाराजी व्यक्त केली असल्याबद्दल आश्चर्य व्यक्त केले जाते आहे. पण त्यांच्या दाव्यांबाबत व्हाइट हाउसकडून कोणतीही टिप्पणी करण्यात आलेली नाही. Joe Kent Resigns कडव्या उजव्या विचारसरणीच्या गटांशी संबंध असलेले माजी राजकीय उमेदवार केंट (Joe Kent Resigns) यांची गेल्या जुलैमध्ये काऊंटर टेरेरिझम सेंटरच्या संचालक पदावर नियुक्ती झाली होती. सिनेटमद्ये त्यांच्या नियुक्तीचा प्रस्ताव ५२-४४ मतांनी मंजूर झाला होता. सेंटरचे संचालक म्हणून ते दहशतवादी धोक्यांचे विश्लेषण आणि शोध घेण्याचे काम करणाऱ्या एका संस्थेचा प्रमुख होते. ट्रम्प प्रशासनाचा बाग होण्यापुर्वी त्यांनी वॉशिंग्टनमधून दोनवेळा संसदेत निवडून जाण्याचे प्रयत्न केले होते. पण त्यात त्यांना यश आले नव्हते. राजकारणात येण्यापुर्वी त्यांनी अमेरिकेच्या लष्करात आणि सीआयएमद्येही काम केले होते.
