पैठण – मराठवाड्यासाठी अत्यंत महत्त्वाचे असलेल्या जायकवाडी धरणाचा पाणी साठा 97.50 टक्के झाला असून सोमवारी दुपारी 1 वाजता धरणातून पाण्याचा विसर्ग सुरू करण्यात आला आहे.

सोमवारी दुपारी1 च्या सुमारास धरणाच्या गेट क्र. 10, 27, 18,19, 16 व 21 असे एकूण 6 गेट 0.5 फुट उंचीने उघडून 3144 क्युसेक विसर्ग गोदावरी नदीपात्रात सुरू करण्यात आला. हा विसर्ग पाण्याची आवक पाहून कमी – जास्त केला जाईल. प्रशासनाने नदीकाठच्या गावांना सतर्कतेचा इशारा दिला आहे.

तत्पूर्वी, सोमवारी सकाळी धरण अभियंता प्रशांत जाधव यांनी याबाबद माहिती दिली होती. मागील वर्षी याच दिवसात ‎धरणाचा साठा 32.42 टक्के होता. ‎दोन वर्षांपूर्वी धरण जुलैमध्ये 100‎ टक्के भरल्याने, 28 जुलै 2022 ‎रोजी धरणाचे 18 दरवाजे उघडून‎ पाणी सोडले गेले होते.

तर यंदा ‎जायकवाडी धरण 8 ऑगस्टला 97 ‎टक्के भरले होते. यामुळे सोमवारी ‎पाणी सोडण्याबाबत निर्णय घेतला‎ जाणार असल्याची माहिती पाटबंधारे विभागाने दिली होती. त्यानुसार आता आज धरणातून पाणी सोडण्याचा निर्णय घेण्यात आला आहे.