Jay Shah Handshake Controversy Pakistan Captain Fatima Sana Photo Viral : आयसीसी महिला टी-२० विश्वचषक २०२६ स्पर्धेचा थरार सुरू होण्यापूर्वीच मैदानाबाहेर एक मोठी खळबळ उडाली आहे. आंतरराष्ट्रीय क्रिकेट परिषदेचे नवीन अध्यक्ष जय शाह यांचा एक व्हिडीओ सोशल मीडियावर प्रचंड व्हायरल होत आहे. या व्हि़डिओमध्ये जय शाह पाकिस्तान महिला क्रिकेट संघाची कर्णधार फातिमा सना हिच्याशी हस्तांदोलन करताना दिसत आहेत. भारत आणि पाकिस्तान यांच्यातील तणावपूर्ण क्रिकेट संबंधांच्या पार्श्वभूमीवर हा व्हिडीओ समोर आल्याने क्रिकेट चाहत्यांमध्ये उलटसुलट चर्चा सुरू झाल्या आहेत.

केवळ अधिकृत प्रोटोकॉलचा भाग!

या संपूर्ण प्रकरणाला कोणताही राजकीय किंवा वादग्रस्त संदर्भ नसल्याचे स्पष्ट करण्यात आले आहे. जय शाह सध्या ‘आयसीसी’चे अध्यक्ष असल्याने महिला टी-२० विश्वचषकाच्या अधिकृत कार्यक्रमादरम्यान सहभागी सर्व देशांच्या कर्णधारांचे स्वागत करण्याची आणि त्यांना शुभेच्छा देण्याची अधिकृत जबाबदारी ते पार पाडत होते. याच औपचारिक शिष्टाचाराचा भाग म्हणून त्यांनी पाकिस्तानची कर्णधार फातिमा सना हिची भेट घेतली आणि हस्तांदोलन केले. मात्र, तरीही दोन्ही देशांतील क्रीडा समीक्षकांचे या व्हिडिओने विशेष लक्ष वेधून घेतले आहे.

भारत-पाकिस्तानमधील ‘नो हँडशेक’ वाद पुन्हा चर्चेत!

Jay shah and CEO Sanoj Gupta can shake hands with Pakistani 🇵🇰 captain Fathima Sana, but but Indian 🇮🇳 captain Harmanpreet can’t? lol 😜 pic.twitter.com/PwEviBeJxh

— Nibraz Ramzan (@nibraz88cricket) June 8, 2026

भारत आणि पाकिस्तानच्या खेळाडूंमध्ये सामन्यानंतर हस्तांदोलन न करण्याची बाब गेल्या वर्षभरापासून आंतरराष्ट्रीय स्तरावर गाजत आहे. आशिया चषक २०२५ दरम्यान भारतीय खेळाडूंनी पाकिस्तानी खेळाडूंशी हस्तांदोलन टाळले होते. त्यानंतर महिला वनडे विश्वचषक २०२५ आणि नुकत्याच पार पडलेल्या पुरुष टी-२० विश्वचषक २०२६ मध्येही दोन्ही देशांच्या खेळाडूंमध्ये मैदानावर हस्तांदोलनाचे प्रसंग दिसले नव्हते. याच ‘नो हँडशेक’च्या पार्श्वभूमीवर जय शाह आणि फातिमा सना यांचा हा फोटो चाहत्यांसाठी आश्चर्याचा धक्का ठरला आहे.

हेही वाचा – Manav Suthar Award : पदार्पणातच मानव सुथारने रचला इतिहास! ७ विकेट्स आणि २ षटकार ठोकून पटकावला ‘प्लेयर ऑफ द मॅच’चा किताब

१४ जूनला रंगणार भारत-पाकिस्तान महामुकाबला!

यंदाच्या महिला टी-२० विश्वचषकाचे आयोजन इंग्लंड येथे करण्यात आले असून या महाकुंभाला १२ जूनपासून सुरुवात होत आहे. हरमनप्रीत कौरच्या नेतृत्वाखालील भारतीय संघ आपल्या विश्वविजेतेपदाच्या मोहिमेची सुरुवात १४ जून रोजी थेट कट्टर प्रतिस्पर्धी पाकिस्तानविरुद्धच्या हाय-व्होल्टेज सामन्याने करणार आहे. या ऐतिहासिक सामन्यापूर्वी जय शाह यांच्या या व्हायरल फोटोने सामन्याची उत्सुकता अधिकच वाढवली आहे.