Janhvi Kapoor : राम चरण अभिनीत ‘पेद्दी’ (Peddi)  हा चित्रपट प्रदर्शित झाल्यानंतर अभिनेत्री जान्हवी कपूरच्या भूमिकेची सोशल मीडियावर जोरदार चर्चा सुरू आहे. चित्रपटातील तिच्या सादरीकरणावर अनेक प्रेक्षक आणि समीक्षकांनी नाराजी व्यक्त केली असून, दिग्दर्शक बुची बाबू सना आणि चित्रपटाच्या निर्मात्यांवर टीकेची झोड उठली आहे. अनेकांच्या मते, जान्हवीच्या पात्राला पुरेशी खोली न देता तिचा वापर केवळ दृश्य आकर्षणासाठी करण्यात आला आहे.

या वादात आता प्रसिद्ध गायिका सुमंगली अरियानायगम यांनीही उडी घेतली आहे. त्यांनी इन्स्टाग्राम स्टोरीद्वारे चित्रपटाच्या टीमवर निशाणा साधत अभिनेत्रीच्या भूमिकेबाबत गंभीर प्रश्न उपस्थित केले आहेत.  (Janhvi Kapoor)

इन्स्टाग्रामवर शेअर केलेल्या पोस्टमध्ये सुमंगली यांनी लिहिले की, “एका प्रभावशाली पुरुषप्रधान वातावरणात ही कथा लिहिली गेली, मात्र जान्हवी कपूरच्या पात्राला केवळ कॅमेऱ्यासाठी दाखवण्याचे साधन बनवण्यात आले. तिच्या व्यक्तिरेखेचा स्वतंत्र विचार न करता तिला फक्त काही विशिष्ट दृश्यांपुरते मर्यादित ठेवण्यात आले.

After watching Peddi, you can’t help but feel pity for Janhvi Kapoor. Sridevi would have never allowed her to act in such B-grade films in the South.#Peddi #PeddiReview #JanhviKapoor pic.twitter.com/F2beJEGaYl

— 𝐳𝐚𝐲𝐝 (@MaheshFallout) June 4, 2026

मानवी प्रतिष्ठा आणि पात्रांबद्दलचा आदर म्हणजे काय हे निर्मात्यांना निश्चितच माहिती आहे. मात्र, या चित्रपटात त्या मूल्यांचे प्रतिबिंब दिसत नाही.” सुमंगली यांची ही पोस्ट सोशल मीडियावर मोठ्या प्रमाणात व्हायरल होत असून, अनेकांनी त्यांच्या मताला समर्थन दिले आहे.

जान्हवीच्या भूमिकेवर प्रेक्षकांची नाराजी :  (Janhvi Kapoor)

‘पेद्दी’  (Janhvi Kapoor  )  मध्ये जान्हवी कपूरने ‘अचियम्मा’ ही भूमिका साकारली आहे. मात्र, अनेक प्रेक्षकांचा आरोप आहे की चित्रपटात तिच्या अभिनय कौशल्यावर किंवा व्यक्तिरेखेच्या विकासावर भर न देता कॅमेऱ्याचा फोकस तिच्या शारीरिक आकर्षणावर अधिक ठेवण्यात आला आहे.

 

काही समीक्षकांच्या मते, चित्रपटातील अनेक दृश्ये आणि फ्रेम्स अभिनेत्रीच्या व्यक्तिरेखेपेक्षा तिच्या दिसण्यावर अधिक केंद्रित असल्याचे जाणवते. तसेच काही प्रसंगांबाबतही सोशल मीडियावर चर्चा रंगली असून, त्या दृश्यांमुळे महिलांच्या सादरीकरणाबाबत प्रश्न उपस्थित केले जात आहेत.

सोशल मीडियावर वाद कायम :    (Janhvi Kapoor )

‘पेद्दी’ प्रदर्शित झाल्यानंतर सुरू झालेला हा वाद अद्याप शांत झालेला नाही. एका बाजूला चित्रपटाला बॉक्स ऑफिसवर प्रतिसाद मिळत असताना, दुसरीकडे जान्हवी कपूरच्या भूमिकेच्या मांडणीवरून मनोरंजन क्षेत्रातील व्यक्तींकडूनही टीका होत आहे.