अभिनेत्री जान्हवी कपूर मुंबई विमानतळावर हातात उशी घेऊन जातांना दिसली. यादरम्यान सोशल मीडियावर एक व्हिडिओ समोर आला आहे. व्हिडिओमध्ये, जान्हवी विमानतळाच्या आत एक मोठी पांढरी उशी घेऊन जाताना ती दिसत आहे, यावरून सोशल मीडिया युजर्स तिला ट्रोल करत आहेत. निळ्या रंगाच्या फ्लोरल ड्रेसमध्ये जान्हवी विमानतळावर पोहोचली. व्हिडिओमध्ये जान्हवीच्या एका हातात पांढरी उशी आणि दुसऱ्या हातात काळी बॅग होती. यादरम्यान तिने पापाराझींना हसताना पोजही दिली. व्हिडिओवर कमेंट करताना एका यूजरने लिहिले की, ‘तु हॉटेलमधून उशी चोरली का?’ दुसर्या युजरने लिहिले, ‘विमानात उशी मिळत नाही का ?’ असे प्रश्न आता तिला विचारले जात आहे. जान्हवी लवकरच साऊथ सुपरस्टार ज्युनियर एनटीआरच्या चित्रपटातून टॉलिवूडमध्ये पदार्पण करणार आहे. या चित्रपटाचे नाव आहे ‘NTR 30’. मात्र आता या चित्रपटाचे नाव बदलून ‘देवरा’ करण्यात आले आहे. हा चित्रपट 5 एप्रिल 2024 रोजी थिएटरमध्ये प्रदर्शित होणार आहे. लवकरच जान्हवी उलझ या चित्रपटातही दिसणार आहे. या चित्रपटाचा फर्स्ट लूक त्याने सोशल मीडियावर शेअर केला आहे. या चित्रपटात ती आयएफएस अधिकाऱ्याची भूमिका साकारणार आहे.
